瘋了
2012/06/22 10:04:28 網誌分類: 生活
看《深夜食堂》,知道用鰹魚絲拌飯又名貓飯,起初不知道點解,但當試過在家裏揚出鰹魚碎,就知道這種濃腥味讓貓有多瘋狂。 打開鰹魚的包裝袋子,準備拿點來伴豆腐,阿寶一個箭步衝到我面前,亢奮得眼睛通紅,鼻子不停大力索,更出手要抓我的包裝袋,平日斯文的紅豆也不輸蝕,在腳下喵喵叫,米爺則一躍跳上枱面,一頭撞向我手板。 沒想到牠們這麼瘋狂,傾倒一點在地板,大爺們狼吞虎嚥後仰頭再要,結果吃足三轉,熱烈程度跟開罐頭或聞貓草沒甚分別。原來貓小食中也有鰹魚,買來打開,香味和人吃的完全一樣嘛。 我沒吃貓用的鰹魚,反而每次自己想食,都讓牠們搶走一點,沒辦法,不先滿足牠們,我吃不了飯呀! 關慧玲 |
catcat,
餵鱷魚?太傳神了,虧你想得出。
凶狠
哈哈, 係咁樣用木魚絲餵貓, 好似餵鱷魚一樣, 我試過咁樣餵Garfield, 佢會好大力一"啖"咬落去, 手痛又唔可以大叫, 驚嚇親佢, 真係痛到眼淚水都標, 蕃薯仔"會死嗉爛嗉"先食, 驚死我落毒咁, 而Borgee會食過好食之後, 每餐都要無添加(係無限量添加), 如果唔係又喵到係暈~
米米媽,我呢個動作係屋企日日都會做,不過我對果4隻係龍貓,佢地狠起上黎,我指甲都無左1/3...
sammisp821 ,
哈哈,知貓者非你莫熟。我呢個係危險動作,差啲手指都俾佢食埋。
情況就好似"留下買路錢"一樣,米米媽你唔放低D魚絲,唔好講開飯,連個碗都掂唔到...