又耕田？咪玩啦！

《緣來自有機》將會在6/7壽終正寢，恭喜恭喜！

與此同時，亞視又會有套新韓劇上，叫《葡萄園的那個男人》（翻譯呢個名o既人真係應該打靶！）

其實在Physical做Gym時我已看過這齣劇集（大陸電視台）。題材跟《緣來自有機》一模一樣，但最初女主角性格比伍婆（伍詠薇）更差勁，為了要繼承阿爺個葡萄園，賣畀地產商賺一筆，好讓自己有錢整容釣金龜，所以焗住要番鄉下扮乖孫陪阿爺種葡萄，識埋在葡萄園工作的男主角，跟住的發展，大家估到啦。不知是有心抄考還是巧合，總之我們看完A貨，接住按去隔籬台，就可以睇原裝正版。

由於女主角個性都幾PK，所以對於我這種PK來說，好有共鳴，所以我會鍾意呢個女主角多過伍婆。再講，人地尹恩慧靚又靚過妳，後生又後生過妳，粉又撻得少過妳，連件衫都少布過妳，真係冇辦法唔贏成條街。

不過，尹恩慧贏伍婆成條街，亞記始終都係輸無記五條街。如果亞記用呢套劇硬撼《緣》，很有機會可以爭番一口氣嘛！為何遲了這麼多？觀眾看伍婆耕田已經睇晒D綠色quota啦，仲會唔會睇你？區瑞強同廖秀冬可能會咯！再加上「慣性低收視」，又死得！