神係你鬼又係你

儒家有一句驚世名言:[敬鬼神而遠之]! 可見得儒家唔係唔相信鬼神論, 而係唔執著; 而係唔迷信; 所以對鬼神一直抱以[存而不論]既態度! 咩野叫做存而不論? 存即係存在; 不論即係唔多作談論! 人有好奇既心; 人有探索神秘既心; 人有諸事八卦既心; 尤其係屬於鬼神命理呢個範疇, 殊不知太過八卦會引鬼上門既添!

其實, 鬼神係分兩種! 一種係身外鬼神; 一種係身內鬼神!! 從科學立論即係正極負極既能量; 從命理立論即係陰氣陽氣既太極; 從個人立論即係君子小人既操守! 身外鬼神可以被理解為大自然必然既運行過程; 不屬於人為操控; 但人為放縱放任可以污染大自然是事實; 身內鬼神是正念邪念, 所以話神又係你鬼又係你.