制服貓
2012/08/17 08:40:56
網誌分類:
生活
有些貓書會教人如何面對貓的淘氣行為,但對我家貓爺似乎完全無用。 例如專家教用兩隻手指壓在牠們鼻子上,示意你不同意牠的行為,可紅豆一味向後退,貓頭左搖右擺,或扭頭走掉。貓書又教我抱着牠講道理,可是依依哦哦了一會,紅豆竟閉上眼,舒服得想睡了。乜都怕的小Miu最愛咬植物,可是未開口制止,牠已夾着尾巴逃離現場。 最教人激氣是肥米和骰仔,這個淘氣二貓組最愛在客廳疾跑,所過之處乜都被掃落地,跑跑下又會變成玩打架,由客廳碌入房,總之沙塵滾滾無時停。柔聲勸過、鼻子壓過、道理講過都不聽,有次見牠們又再互相追打,情急之下一手包着米爺的面,制止牠再跑,竟然又能將牠截停。再將牠抱起來,用手按着牠的面,繼續請牠食「貓面」,牠反抗不能只得乖乖聽我講。哦了一會放牠落地,牠好像忘了剛才在玩,坐埋一邊舔毛。 把這方法介紹給朋友,他們都說對制止頑皮貓很有效,至少牠們願意停一陣。不過千祈不要太大力啊。 也許這是人的一廂情願,調皮貓見我等人類咁努力,就順下意……一陣咁多啦。 關慧玲 |
joe
你意思是善終服務還是安樂死?後者其實好多診所都差不多,不過自己睇開多年的醫生幾重視人的感受,會讓我和寶寶傾多一陣偈,好好說再見,之後才落針,亦會讓我陪在旁邊。
o 我個狗友問我,她的狗狗要長休了,佢唔想狗狗再太辛苦了。她問那間寵物善終會好D?如大家知的話,麻煩講我知吖。
當年米米嘅聖誕老人衫可能已經著唔落喇 ....
關小姐:
希望可看見除了聖誕老人制服以外的"制服貓"!!
Old-Ox
哈哈,我想辦法映些穿制服的貓爺給大家睇下。
mtleung:
關小姐用了一個有"歧義"的標題, 即是標題有多過一個解法, 我們會錯意, 解錯題也十分正常.
Old-Ox
我依家睇緊一本書叫 "Animal Makes Up Human",個作者 Temple Grandin 係美國畜牧界好似好出名。佢本身有自閉症,佢話其實有好多動物行為都好似自閉症。佢話貓只明白 positive reinforcement (賞) 但不明白 negative reinforcement (罰), 我地永遠只係貓奴
本書真係幾有趣,highly recommend。
Old-Ox: 唔只你, 我都以為有"制服"誘惑貓貓睇 , 原來自己會錯意 不如俾大家睇下我家"打風"貓樣...
實情係佢鍾緊眼瞓
以前老一輩真係好興捏動物頸背抨起佢地,不過我覺得好殘忍
old ox
嘿,肥米太重,我「拎」佢唔起啊
關小姐:
看標題還以為是穿上"制服"的貓!!
不知大家有無嘗試用手捏著小貓的的頸背並將牠提起, 牠會蜷縮起來, 連尾巴也會收在腹部? 我試過用同樣方法捏著家中的3隻成貓大灰熊, 冬冬同貓B, 雖不用提起整隻貓貓, 只需前肢離地, 但牠們好像點了穴一樣, 動彈不得, 我便趁機張開貓口餵杜蟲葯, 噴口腔洗牙液, 剪貓爪......用2-3個衣夾夾貓頸背, 也有相似的點穴效果!!
Old-Ox
係人類既世界,正所謂一樣米能養百樣人, 係貓爺世界都係同一道理, 相同貓罐頭或貓糧, 亦能養出貓之百態.....