貓外有貓
2012/08/31 08:41:06 網誌分類: 生活
米米是八隻貓中最肥美的,頭圓身圓加上肚腩着地,令牠成為家中的小霸王。不過天外有天,貓外有貓,近日家裏來了四大福,四隻巨型英短來我家寄居數星期,即時把米米比下去。 四大福中,以阿肥最健碩,頭仔差不多大過我手掌,一隻手完全無法掌握,身軀更不用說了,成隻航空母艦一樣,跳落地、跳上櫃都「砰砰」聲。另外三隻就跟米米差不多,不過貓頭相當大。 別看四大福咁大隻,其實十分細膽,到埗至今完全不肯走出浴室,打開門也只敢探頭探腦,稍有輕微聲音就抱頭走,甚至將自己塞進櫃底。 暫時不敢將牠們和八貓混在一起,只能各據一方,放四大福在廳走動時,八貓爺就限制在廚房裏。古惑米似乎一早感到有外敵入侵,不時仰頭輕抓浴室門,想走進去。試過隔着玻璃讓牠和四大福對望,估不到膽大如牠,竟在「胡胡」叫了兩下之後立即掉頭走,尾巴還是垂下來的呢,可能牠接受不了當今世上,竟有貓靚過自己吧? 關慧玲 |
old ox,
四大福仲未適應架,打開門佢地都不願意出來,或者行一下,又縮回去。
關小姐, pak ma,
2位有無驚過個洗手盆會捱唔住.......
關小姐:
既然四巨貓十分細膽, 不如將嘉德里奧混在一起, 讓五隻膽小鬼一起鬥快塞進櫃底!!
Old-Ox
pak ma,
是丫,阿肥都係咁架,鍾意瞓洗手盤。
肥外有肥!
請注意,這洗手盆是長方形的
好想看到米米與四大福相遇時的表情......
各位好啊,
灰色的正是阿肥,大隻呢???後面的叫小虎,好像是異短混英短,另外兩隻無出鏡的是阿仔和阿女,全部都好靚。依家暫時一家十二貓,貓口驟增,熱鬧得過了分,不過四大福真的好乖好靜,但係甩好多毛毛,所以要日日勤梳理。
關小姐:
前面隻"藍色"肥貓打呵欠嗎? 企缸那隻似係"異國短毛貓"!
我搬動一隻"大灰熊"出席動物醫生活動或者往診所打針也毫不容易(仿如挽著一袋8公斤米逛街), 你朋友搬運四隻巨貓真殊不簡單!
肥米或許接受不了當今世上,竟有貓肥美過自己吧!!
Old-Ox
我估肥米今次有點被四大福徹底打敗的感覺....
早晨,關小姐,,
我家兩貓爺品性完全相反,,,牠們細時已經常常去我朋友家作客,,
小白,是任何貓走近牠面前做任何動態,,都視而不見,,,哈哈,,好淡定
至於小寶,,次次一到步,立即飛奔上衣柜頂
相中這二大福好可愛,又係貓靚一族 關家現在,一屋靚貓好熱鬧啫
如果有一張米米同阿肥的世紀合照就開心晒啦!!!
關小姐, 早晨:
藍貓阿肥, 貓如其名真係勁大隻, 抱佢想吓也覺手軟!嘩咔咔咔
關小姐&各位早
是不是圖中灰色那隻就是阿肥,單看相已經好勁。所以話滅肥首要是谷肥旁邊的人,你就已經成功了一半。哈哈哈。