腳痛仲去的士高?
2007/07/12 14:55:56 網誌分類: 時事
長毛夜店遇上查牌,警察讓他走先。市民投訴警察不公。
我劉仁話如果這樣的投訴成立,恐怕警察以後唔使查牌。
數百人在夜店等候警察查身分証,警方絕對有權基於相信某些人並沒有犯罪而先行將之放走。這是警方在執法時應該擁有的決策權。同理警方亦有權截查他們認為有可疑的人。
未當差之前我就試過某朝清晨六點揹住個大背囊上街被警察截停查身分証兼搜背囊。我心裡梗唔服,難道我嗰樣似賊?點解警察唔查街上其他人?但換個角度看,警察查唔查一個人是應該有他的專業判斷。如果一切都用公平去衡量,我就會話隔離個阿叔蛇頭鼠眼更加可疑。然後個阿叔又話隔離個阿婆好似非法入境,然後個阿婆又話......
夜店查牌,並不代表警方認為顧客有犯罪,警方只是有理由相信部份在場人士可能觸犯法例、可能是通輯犯等。對大部分清白的市民來說肯定造成不便,所以警方絕對需要在場人士的合作和忍讓。
再講,一個場幾百人,梗有查先和查後之分。先被查的,如無可疑,警方有時也會着其先行離開,間中仲會補上一句:「年青人,呢啲地方唔啱你,返屋企把啦!」在存心玩嘢的人眼中,這又是不公吧!
難道查身分証之前還要先來一次抽籤分先後,才叫公平?
如果我哋老頂微服出巡,遇上同樣情況,唔知傳媒又有乜嘢反應呢?
By the way 腳痛就唔好去disco喇!
EG.com--掂呀!
to ivina:
係呀!我幫襯小禾間EG.com訂㗎!
後面堆公仔都係紙紥架??
換左版面唔認得奇芬添~形象轉型
To 夏霽:
言論自由,思想獨立,理性分析,咁先可以保持社會向前的活力。
現在長毛有得見報都好喇!又唔係犯咩事,只係去玩時遇上查牌。
如果關於政治的,相信都冇報紙登!
不過,我都支持佢!因為「長毛效應」令大眾關心政治多了,尤其年青人。希望香港人對政治熱心點,不要盲從一黨一派的一家之言,試多角度去探求真相。不論你相信什麼,也要慎防被「保皇黨」愚弄,被「扮民主派」欺騙。
最恐怖是下面那一閃而過的黑白公仔!!
看見會發惡夢
上面個公仔好恐怖啊!~@