心術呢兩個字

偶然讀古文讀到心術呢兩個字, 可見得古人所倡導既[論心不論事]係幾咁重要! 人自懂性識得分別取捨到老死個一日, 心靈深處不斷受到外界誘惑. 當內心係脆弱既時候, 就會敗係名利權位酒色財氣既手上, 從而表面正人君子而暗地裡實屬卑鄙小人. 除左當事人自己知道發生咩野事, 旁邊局外人差不多被呃左都唔知.

中國傳統學問, 大多離唔開儒釋道呢三家精華, 再融入春秋戰國時期百家之說, 去蕪存菁, 大乘小乘互相參詳, 至發展到今時今日特定既中心思想. 儒釋道三家既宗旨亦都先後以心為主導, 可見得殊途同歸. 儒家既存心養性; 佛家既明心見性; 道家既修心煉性; 都直指心去認識性. 故此, 三家都有本宗既哲學為依歸.

~~待續