大碧姐_仙鶴神針

從圖書館借黎一套名叫[飛燕驚龍]既武俠小說, 由臥龍生先生執筆. 本黎冇打算借呢套書, 因為自小對臥龍生先生既書唔太熟. 由於細細個鍾意睇粵語長片既武俠系列, 對某D名著仲有印象. 呢套[飛燕驚龍]原來就係[仙鶴神針]既原著! 想起已故名伶大碧姐主演既角色[白雲飛], 跟林家聲先生主演既馬君武, 記憶猶新.

大碧姐仙去多年, 聲哥亦因病退隱, 只有片中既陳好逑仍然健在, 實在令人感到傷感! 不過, 世間巨輪本應係咁, 江山代有人才出. 舊一脫退出幕前, 係順理承章既事; 新一代接棒上任, 係題中應有之義! 當筆者打開[飛燕驚龍]之時, 名稱或會唔同, 腦海不期然將電影既人物代入小說當中, 算係聊以安慰既方法之一.