幾時再見舊有精神?
2012/11/02 08:30:13 網誌分類: 今日隨筆
要等到幾時, 香港至變番以前咁, 以[獅子山下]既FEEL黎打造未來? 幾時至可以重見官民攜手同心, 放下成見, 為未來子孫後代共同努力? 睇依家既香港, 除左戾氣沖天之外, 就係官得把口; 議員靠惡; 攪到民生無啖好食! 升斗市民最基本既[日求三餐; 夜求一宿]都做唔到; 仲係到堅持呢邊拉布個邊剪布七國咁亂!
有邊個地方既人民想日愁夜愁日嘈夜嘈? 政府無能, 議員霸道, 前者郁D就話急市民所急; 後者就話為民請命! 兩者都係講大話當食生菜! 有邊項議題係可以平心靜氣, 以利民之所需解民之所困既大前提下唔掂傾到掂? 一邊話無得讓; 另一邊話有咁長拉咁長, 受苦既又唔係一班市民? 何必口口聲聲講到大仁大義至得!
~~待續
回應 (0)
我要發表