子華棟篤雜憶之三

「我認識左一位大陸國家級既演員，叫做英若成。佢有份拍《末代皇帝》，教尊龍痾尿：射落側邊，唔好射到d水度，你射d水belibala咁咪會嘈親人咯！『You have to piss on the side!』佢係講英文架，完全唔使配音！

「佢有句口頭禪：『catch the bull by its horn!』捉牛，要捉住佢隻角。佢講乜都要加呢句：『我地做人，要catch the bull by its horn!　做戲，要catch the bull by its horn!　嫌命長，又catch the bull by its horn!』我唔知佢係咪有牛角情意結，但由佢咁鍾意講英文既習慣黎睇，我好肯定，佢文革果陣一定有俾人『搞』過。而最抵死既係，過左咁多年，佢又同番當年批鬥佢既人一齊工作喎，嘩，你點面對呀？佢批鬥過你喎！咁慘！咁多辛酸！

「佢話：『冇乜野唧，catch the bull by...』講笑唧。佢話：『Forgiveness，寬恕。千絲萬縷，寬恕吧～』我覺得佢真係一個聖人，而最恐怖既係，o係大陸你如果唔係聖人你唔可以生存！一部十四座就有十四個聖人唔計司機。所以點解咁少人移民番大陸？你邊度黎？美國？美國得兩個人有資格移民黎大陸，一個係林肯，一個係華盛頓，你係邊位？哦～你有錢，有錢唔同，有錢容易偉大，印度有個quota，不過你都要改名叫做甘地！」