琴師伴奏片段

靜左落黎百無聊賴, 東想想, 西想想, 忽然想起25年前一D往事! 個陣時潮流興琴師伴奏既清吧, 歡樂時光由傍晚五點起至夜晚九點止, 都係出綽頭買一送一黎推銷飲品. 當年同一名同事逢星期五晚必落清吧飲番兩杯, 唱吓歌, 到九點後食埋飯至番屋企. 記得幫襯開一間近灣仔警署, 由於覺得幾穩陣, 所以就多幾次!

最記得同事唔識唱琴師伴奏既風格, 每次輪到佢唱既時候, 總係拉我出去一齊唱. 後黎到卡拉OK開始流行, 有畫面; 有符號入KEY; 所以同事就唔使我陪唱, 佢自己一個人就得啦咁話. 而家想起黎, 都係唱琴師伴奏既好玩好多! 記得第一次跟琴師夾, 唱完後琴師問我係唔係學過樂理, 所以識得用丹田氣同埋跟拍子?

~~待續