唱歌
2013/03/01 08:41:21 網誌分類: 生活
肥米性格像狗仔,最愛獵奇,喜歡叨住物件通屋跑。一時把鞋子拖出來,一時又跳上櫃枱成抽鎖匙叨走。每當獵物在口,牠嘴裏就會大聲發出嗚嗚的「歌聲」,好似在歡呼一樣,告訴我牠的戰績。之後拖到客廳最中央,把物件放在地,牠再像母雞孵蛋般坐上去,守護住。 牠望住我,想我讚賞,我每每大笑同時搶走牠坐着的物件,放回原位。牠擺擺尾,過一陣又再次偷偷去叨走,而我再再次放回原地。人貓之間這樣來來回回,夠消磨一個晚上的。其實,我坐着不動,都知道牠幾時搞鬼,因為牠每次得手,都會唱歌。 或者你會問,這麼煩,鎖起來或放到牠取不到的地方算了,我卻覺得讓肥米運動一下也好,放回原地一來給牠每次都找得着的成功感;二來,牠不叨走這個,就會轉移目標破壞別的,我能收起家裏所有東西嗎? 肥米面上經常掛着蠱蠱惑惑的笑容,總是說:「你怎鬥得過我?」 關慧玲 |
關小姐:
佢係仔仔, 叫Golden, 成十歲應該係伯伯, 佢好多嘢講架, 成日柯打食玩摸。
識唱歌咁犀利?
關小姐,那黑色貓擺設好靚,想像眾貓站在旁邊真的活像一尊"貓神"像呢
米米的眼神, like
pak ma ,8012,
好靚呵兩隻貓,pak ma的是男仔,8012的是女仔??
其實,肥米是有attention seeking的,牠不停郁,是想我望牠呢。
關小姐,可唔可以拍條米米大展歌喉既片黎睇?
我的寶寶,也像米米,,常給我互動遊戲,,,
關小姐,,你家的貓擺設,我好鍾意,,好可愛有心思呀,,,
米米其實係幫緊你安排娛樂咋,你咁都唔明,,哈哈,,,預埋你玩架,,米米真可愛
怕唔怕搵唔返d贓物?
肥米
你個睡姿好舒服。