河馬仔河馬仔
河馬仔河馬仔
河馬仔河馬仔

(河馬仔專欄)尖沙咀《AROPA》地中海式午餐食評

2013/03/02 00:28:39 網誌分類: 飲食
02 Mar



『馬場樂子(妹)』(18) : 賽馬看板娘一名,想法天馬行空,富想像力

『馬場彩珠(姐)』(18) : 樂子的孖生家姐,和妹妹一樣喜歡新奇事。





樂子 : 今日講嘅餐廳都係位於尖沙咀,不過今次就係幾有藝術氣氛嘅K11商場呢。


彩珠 : 餐廳以地中海菜為主軸,餐廳嘅燈飾都幾特別,又似水管又似彈弓。




樂子 : 不過其實AROPA呢個名又係點解?

彩珠 : 佢個MENU入面有詳細寫呢,原來係所羅門群島中嘅小島嘅生活理念用語,可以解作大愛精神,頗有值得深思嘅思想哦。


樂子 : 呢間餐廳食客以附近白領人士為主,當然午餐收費都走較中高檔次,都係有湯有包有大盤有咖啡甜品咁。

彩珠 : 當然有特別先講啦,例如面包加上油醋,特別係三角多士都好軟好香口,次次試過都唔覺凍咧。



樂子 : 而佢地嘅湯都幾大份量,而且唔只只係白湯紅湯。例如試過佢地嘅椰菜花忌廉湯煮得都幾濃不過就唔會食到一粒粒,而雜菜湯多菜但係好清唔搶喉,感覺都算清新。



彩珠 : 或者可以揀特式沙律呢。


彩珠 : 飲完湯湯就到大盤咯。看看餐牌就見到有四款可以揀呢,先講一講呢個牛肉醬有機意大利粉。


彩珠 : 意大利粉煮得頗熟,而牛肉醬不像在supermarket買到的,味道很輕不濃烈,反而感覺上有點似在家煮的,牛肉碎煮得中規中矩,驚喜就講唔上但食味都可以嘅。接住來就係香草包糠焗龍脷柳配藍芝士汁。



彩珠 : 焗出來嘅魚肉同煎出來嘅完全唔同,肉質變得非常滑,嫩滑程度有點似九肚魚般。再加上薄薄嘅麵包糠,就似沒有椒鹽的酥炸九肚魚呢。

馬場彩珠 --- 對牛肉醬有機意大利粉+香草包糠焗龍脷柳配藍芝士汁之評分 :


樂子 : 跟住輪到我講下呢個燴牛尾,都幾大份架。

樂子 : 濃濃嘅牛尾肉汁滲入厚厚嘅薯蓉,再配以頗多嘅露荀同埋連枝蕃茄,配搭及顏色分明。而食落牛尾肉質及膠質幾彈牙,用味甚濃,再加上牛尾汁加上合桃好特別,對牛尾有愛嘅朋友來講會幾滿意呢。再講講炭燒羊扒配海鹽及香草。



樂子 : 呢個羊扒煎得都好細緻,微微嘅海鹽襯托住煎香羊扒嘅香脆及輕輕的膻味,更見昇華,而煎嘅火喉甚為精準,好多肉汁都鎖得住呢。

馬場樂子 --- 對燴牛尾+炭燒羊扒配海鹽及香草之評分 :


彩珠 : 當然一個圓滿嘅set又點會冇咖啡同甜品咧。




樂子 : 雖然好多次食都係tiramisu或者係芝士餅,但係裝飾上都見到用用工夫,配合埋一杯熱咖啡就啱啱好哩。





雖然情人節己過去,但一樣可以在人月兩團圓之元宵佳節都分享甜蜜。

馬場雙子在家中都製作朱古力,未知她們在未來能否如願以償,送給真命天子呢?




(較大的圖)


此Wallpaper由河馬仔設計及監製及持有版權、由同人團體Jun&Yuri之台灣畫師---白河子繪製而成。希望大家喜歡!

*(圖中所述之故事及看板娘人名純屬虛構、如有雷同、實屬巧合。)

回應 (0)
我要發表
user

最新回應

河馬仔河馬仔
河馬仔河馬仔 2021/05/09



2021/05/08「河馬仔賽馬專欄」,在一二哥之間揀大細注揀錯,就變成冇左好多張演唱會門票。

是日 : + $6008 - $18900 = - $12892

累績 : - $12892 - $299541 = - $312433

河馬仔河馬仔
河馬仔河馬仔 2021/05/02



2021/05/02「河馬仔賽馬專欄」,要追番三年的負數,真係要十五連莊先得。

是日 : + $42877 - $18900 = + $23977

累績 : + $23977 - $323518 = - $299541

河馬仔河馬仔
河馬仔河馬仔 2021/04/25



2021/04/25「河馬仔賽馬專欄」,可唔可以唔好次次十幾萬條位置Q派彩輸個鼻,條位置Q,29倍得第一第四。

是日 : + $6208 - $18900 = - $12692

累績 : - $310826 - $12692 = - $323518

河馬仔河馬仔
河馬仔河馬仔 2021/04/11


2021/04/11「河馬仔賽馬專欄」,冇隻11號就全中收幾萬啦,真心灰,今次都係輸足半年後首次有錢收番少少了。

是日 : + $23267 - $18900 = + $4367

累績 : - $315193 + $4367 = - $310826