泓鋒國際（2309）東方日報．周維秉

泓 鋒 國 際 （ 2309 ） 上 周 五 復 牌 ， 宣 布 向 獨 立 第 三 者 Chung Tat Fun ， 購 入 廣 州 音 樂 工 廠 51% 股 權 ， 總 代 價 為 1,530 萬 元 人 民 幣 （ 折 合 約 1,575 萬 港 元 ） 。 廣 州 音 樂 工 廠 的 主 要 業 務 ， 是 在 內 地 經 營 咖 啡 廳 、 酒 吧 ， 以 及 提 供 餐 飲 服 務 。

泓 鋒 國 際 主 席 楊 家 誠 ， 早 於 上 月 中 收 購 英 超 球 會 伯 明 翰 時 ， 早 已 打 鑼 打 鼓 ， 表 示 要 進 軍 內 地 餐 飲 業 務 ， 並 在 內 地 開 設 以 伯 明 翰 為 主 題 的 連 鎖 式 餐 廳 及 紀 念 品 店 等 ， 今 次 收 購 似 乎 變 得 順 理 成 章 。

市 場 對 收 購 不 看 好

然 而 上 周 五 公 布 消 息 時 ， 其 股 價 不 升 反 跌 ， 股 價 最 多 曾 跌 近 兩 成 ， 報 收 1.54 元 接 近 全 日 低 位 ， 全 日 下 跌 0.26 元 或 14.4% ， 可 見 市 場 對 是 次 收 購 並 不 看 好 。

老 周 先 講 番 上 月 收 購 伯 明 翰 球 會 ， 老 周 雖 然 唔 係 瘋 狂 英 超 迷 ， 但 對 英 超 足 球 亦 有 點 認 識 。 泓 鋒 成 為 首 家 擁 有 英 超 聯 球 隊 的 本 港 上 市 公 司 ， 無 疑 係 屬 創 舉 ， 但 根 據 海 外 經 驗 ， 同 在 倫 敦 交 易 所 上 市 的 英 超 球 會 ， 近 年 經 營 數 據 未 見 理 想 。

購 音 樂 工 廠 仍 虧 蝕

以 熱 刺 為 例 ， 主 場 可 容 納 3.6 萬 名 球 迷 ， 去 年 來 自 電 視 轉 播 和 門 券 收 入 分 別 為 2,800 萬 鎊 （ 折 合 約 4.5 億 港 元 ） 和 1,700 萬 鎊 （ 約 2.7 億 港 元 ） ， 但 熱 刺 ○ 六 年 仍 錄 得 虧 損 156 萬 鎊 （ 約 2,496 萬 港 元 ） 。 至 於 紐 卡 素 ， 雖 然 主 場 可 容 納 5.2 萬 名 球 迷 ， 但 ○ 六 年 度 亦 虧 損 1,200 萬 鎊 （ 約 1.92 億 港 元 ） 。

至 於 伯 明 翰 主 場 可 容 納 球 迷 3 萬 名 ， 仲 少 過 熱 刺 跟 紐 卡 素 。 截 至 今 年 二 月 底 的 中 期 業 績 ， 雖 然 錄 得 340 萬 英 鎊 （ 約 5,440 萬 港 元 ） 的 稅 前 盈 利 ， 但 當 中 有 560 萬 鎊 （ 約 8,960 萬 港 元 ） 係 賣 走 兩 名 球 員 所 收 轉 會 費 ， 即 係 非 經 常 性 收 益 ， 唔 計 呢 條 數 ， 球 會 實 際 蝕 220 萬 鎊 （ 約 3,520 萬 港 元 ） 。

至 於 剛 收 購 的 廣 州 音 樂 工 廠 ， 公 司 截 至 ○ 六 年 十 二 月 底 止 ， 未 經 審 核 資 產 淨 值 只 有 78,705 元 人 民 幣 ， 同 年 除 稅 前 虧 損 為 55.8 萬 元 人 民 幣 ， 股 東 應 佔 除 稅 後 虧 損 更 達 到 828,990 元 人 民 幣 。

踏 入 ○ 七 年 ， 截 至 六 月 底 止 六 個 月 ， 未 經 審 核 資 產 淨 值 為 244,458 元 人 民 幣 ， 未 經 審 核 虧 損 約 為 165,753 元 人 民 幣 。

實 在 不 應 該 亂 使 錢

呢 間 經 營 餐 飲 的 公 司 近 半 年 蝕 十 幾 萬 元 ， 但 泓 鋒 竟 然 肯 用 高 達 1,530 萬 元 人 民 幣 去 收 購 51% 股 權 ， 似 乎 係 高 價 買 資 產 。

雖 然 泓 鋒 之 前 已 表 示 ， 收 購 伯 明 翰 球 會 ， 已 有 銀 行 及 基 金 主 動 接 洽 ， 資 金 方 面 唔 係 問 題 ， 但 睇 番 泓 鋒 今 次 咁 「 慷 慨 」 買 件 蝕 本 貨 ， 即 使 有 再 大 支 水 喉 射 住 ， 咁 亂 使 錢 亦 唔 係 辦 法 。

周 維 秉