不一般的司機大佬

一般人對啲小巴司機都冇乜好感，有不少人受過他們嘅氣，同唔禮貌嘅對待；印象中他們除左惡死和粗聲粗氣外，就淨係識得叫你「入錢」，同用粗口鬧啲唔記得左嗌「有落」嘅呀伯、師奶同毒男。

但也有另類司機，網民發現有一位揸藍田到觀塘線的紅巴司機，免費義載啲老人家，一個阿伯落車時，司機就揮一揮手說︰「得啦阿伯，唔駛俾啦。」

阿伯呆左一呆，冇問啲咩野，就落左車。

之後再有兩個老人家落車時，司機都是揮揮手說︰「唔駛啦阿婆，落車啦。」

阿婆半信半疑地說︰「係唔系真的？」司機滿臉笑容地說︰「係呀！」

有人問佢，你免費義載，不是賺少左嗎？但他只是笑著說：「幾十歲都費事收佢地錢啦，總之八十歲坐我車，都唔駛收錢架！」的確豪氣，值得一讚！

另一位在北區揸綠巴的司機大佬，有次去到某站的時候，有一位阿婆上咗車，但車資係$4.2，個阿婆唔夠散紙，就同司機講唔夠錢，而呢一位司機，卻笑笑口咁話：「阿婆，得啦，唔緊要啦，冇咪下次先畀番我。」

到阿婆落車時，問司機點樣可以還錢畀佢，司機大佬話：「下次都認唔到你啦，得啦，唔使畀啦。」

當阿婆落車時，司機重說：「阿婆，慢慢啦，小心落車呀！」

這位司機大佬，有一次見到另一位長者，剛好買完餸，拉着載得滿滿，重叠叠的手推車，很狼狽地上車，在袋中四處在找八達通卡，準備嘟機畀錢，司機不但沒有嫌她論盡，阻慢開車時間，反而二話不說，從司機位落車，幫她將手推車推到車尾。

如果所有香港的職業司機，都好似剛才兩位司機大佬一樣，待人有禮，默默地行善，發揮人性中美善的一面，坐他們的小巴，根本就是一種享受！