不能說的秘密

「低Form Mk化，高Form高登化，你地間學校有冇呢個現象？」

「冬季校服要戴呔，不過其實我一直都唔識打，所以屋企人幫我打完一次之後，我一直都冇解過，平日就咁帶同除。」

「暗戀左個同學幾年，一直都冇講，直到前排聽聞佢同左第個一齊，果陣都唔信，但前幾日親眼見到了，好唔開心好傷心，唔想係學校裏面見到佢地，腦裏面同自己講祝佢地幸福，但其實心裏面好想佢地散。」

在本年初，由港大的幾個好無聊的大學生開始，建立了一個名為HKU Secrets的群組，強調匿名發佈消息，和只限同一間院校的學生閱覽，彼此分享秘密，同時能閱讀其他人的小秘密，但這熱潮一發不可收拾，迅速在網絡上爆紅，很多大專院校和中學，爭相模仿，紛紛設立自己的Secrets群組！

短短在幾個月內，初步估計，已有超過一百個群組成立，很多名校，如喇沙、拔萃、李寶樁，都有群組；甚至還有Joint University Secrets、中學雞Secrets，遲些可能還會出現小學雞Secrets，繼八大院校之後，還有最新的高登Secrets，真的魅力不可擋！

這些群組的最吸引地方，是因為提供了一個平台，凝聚了一群想八卦學校秘聞的學生，挑起同學的好奇心，而中學Secrets裡面，同學可以一起批評某些老師和不合理的校規，提供一個發洩情緒的渠道，頗具殺傷力，聽聞有些學校高層，特別是那些名校，極為恐懼，嚴陣以待，生怕影響校譽，試圖封殺這些群組，已有學校，運用強硬手段，關閉面書上的群組！

而看張貼在各大學的Secrets，可以一睹現今大學生的百態和眾生相，他們究竟忙些甚麼？緊張一些甚麼？有甚麼意識形態？

除了一些無聊的分享外，當中也有一些由老鬼給新人的贈言，語重深長，值得同學三思，不失為有建設性的分享！

「係大學五件事裡面，只要你做左上莊呢樣野，你就咩都會無哂；你會無哂GPA、你會無哂健康、你會無哂朋友、你會無哂返屋企既時間、你會無哂返part-time既機會，你會無哂exchange既機會；而最諷刺既就係，你會無哂plan活動既自主權；所以在上莊前，請認真的想一想！」

「不同U學生對自已院校既印象︰我地學校排名咁低，第時出來點搵工做？我地院校剩係著重排名，請D professor返來剩系做research既；我地學校係市區，好繁囂；我地學校係郊區，出返市區起碼搭成個鐘頭車；我地學校D人好頹，D人都唔讀書；我地學校D人好chur，競爭好大，我好大壓力！」

"

「我諗系宿舍屈蛇呢樣野大家都見得唔少，但係唔知大家有冇聽過，有D人屈佐阿媽入黎呢？我聽過有人屈左阿媽入黎，幫佢手廚飯同洗衫= =」

「其實我覺得大學生都需要補習，請問有冇名師可以補大學？」

「草根出身，努力入到港大，讀文學院，畢業左三年，靠自己努力，加入左一間國際傳媒做高級編輯，人工唔錯之餘，真係大開眼界。之前見到好多HKU Secret分享負能量，埋怨自己基層出身，輸在起跑線，我想講無錯，你可能一開始搵工時，唔夠D有錢人咁易，但係如果你有料，始終都會上到位。」

「讀港大既你，其實已經好幸福，因為出面依家D管理層，大概都係四十歲左右，我夠膽講超過七成都係港大前輩，即係八零年代畢業個班，你作為佢地既師弟妹，有呢份聯繫已經比其他U優勝，你地又何嘗唔係贏在起跑線？見工時醒D，俾D心機，出事既往往唔係自己既基層背景，而係見工時沒有好好準備，努力啦，各位未畢業的師弟妹，下一個secret我會分享下見工既心得。我見過四次工，命中率100%！」