風水師林國雄病逝仍如期出書

2013/07/18 08:41:14 網誌分類: 生活

18 Jul

        一代風水師林國雄近年臥病在牀，近日傳出噩耗，指佢喺七月二日於瑪麗醫院肺炎病逝，終年六十六歲。林師傅嘅死訊，據說只有至親好友同少數弟子得知，七、八年前跟過林國雄學風水術數嘅立法會議員謝偉俊同Kelly講，唔知師傅過咗身，覺得師傅為人無江湖味，堅持自己一套，又平易近人，批佢同白姐姐嘅八字好準，認為佢係有料之人。

        謝偉俊曾跟其學風水

        林師傅徒子眾多，除咗謝偉俊同白姐姐，風水師周漢明同財經界「沈大師」沈振盈都跟佢學嘢。好多同林師傅相熟嘅人，都話佢早已批自己只有六十歲命，之後的日子係過得一年得一年。林師傅多次中風入院，最後嘅日子只靠醫療儀器維生。據說，林師傅生前希望將掌相研究所交給女兒，其弟協助打理公司，近年佢出嘅運程書，由其弟代寫，明年仲會出馬年運程書。

        KellyChu