金輝集團（0137）東方日報．周維秉

從 事 航 運 業 務 的 金 輝 集 團 （ 0137 ） ， 今 年 上 半 年 業 績 同 比 出 現 倒 退 ， 主 要 是 期 內 公 司 的 日 圓 遠 期 合 約 及 外 匯 期 權 錄 得 巨 額 虧 損 。 筆 者 認 為 ， 公 司 考 慮 到 匯 兌 風 險 做 對 沖 ， 無 可 厚 非 ， 但 好 似 金 輝 咁 ， 功 夫 未 到 家 ， 結 果 令 公 司 揩 大 鑊 ， 咁 就 真 係 唔 做 好 過 做 ， 免 得 幫 倒 忙 ！

遠 期 外 匯 對 沖 虧 損 巨

近 年 全 球 航 運 業 持 續 景 氣 ， 從 事 航 運 業 務 的 金 輝 亦 自 當 受 惠 ， 已 公 布 今 年 上 半 年 營 業 額 同 比 大 增 52% 至 10.89 億 元 ， 惟 由 於 期 內 錄 得 「 按 公 平 價 值 列 帳 及 在 益 表 處 理 之 財 務 資 產 及 財 務 負 債 之 虧 損 淨 額 」 1.5 億 元 ， 以 致 期 內 股 東 應 佔 溢 利 同 比 倒 退 30% 至 8,565 萬 元 ， 每 股 基 本 盈 利 0.163 元 。

細 看 其 中 期 業 績 報 告 ， 該 筆 1.5 億 元 的 虧 損 淨 額 ， 主 要 由 於 日 圓 遠 期 外 匯 合 約 及 外 匯 期 權 於 六 月 底 止 之 公 平 價 值 調 整 所 產 生 的 未 變 現 虧 損 所 致 。 一 見 到 「 未 變 現 」 三 個 字 ， 老 周 心 一 寒 ， 事 關 呢 個 用 詞 ， 暗 示 公 司 仍 未 為 有 關 虧 損 止 蝕 。

原 來 ， 金 輝 年 內 訂 立 若 干 長 期 遠 期 外 匯 合 約 及 外 匯 期 權 ， 用 以 支 付 與 日 本 船 廠 訂 立 合 約 之 新 造 船 舶 所 需 的 資 本 支 出 及 作 為 流 動 資 金 管 理 。 但 眾 所 周 知 ， 過 去 數 月 ， 金 融 市 場 大 幅 波 動 ， 日 圓 套 息 交 易 平 倉 ， 日 圓 兌 美 元 近 月 突 然 升 值 ， 以 致 金 輝 於 該 等 長 期 遠 期 外 匯 合 約 及 外 匯 期 權 蒙 受 虧 損 。

據 金 輝 披 露 ， 公 司 已 於 八 月 終 止 了 部 分 此 類 型 之 長 期 遠 期 外 匯 合 約 及 外 匯 期 權 ， 而 據 其 「 最 佳 估 計 及 現 有 市 場 資 料 」 ， 預 計 會 就 遠 期 外 匯 合 約 及 外 匯 期 權 進 一 步 虧 損 約 3,500 萬 美 元 （ 折 合 約 2.73 億 港 元 ） 。 雖 然 金 輝 強 調 ， 「 將 於 未 來 數 月 設 法 盡 量 減 低 外 匯 風 險 所 產 生 之 虧 損 ， 務 求 保 障 日 後 本 集 團 長 遠 之 溢 利 水 平 」 ， 但 最 終 是 否 如 願 ， 實 在 難 作 評 估 。

老 周 屈 指 一 算 ， 金 輝 的 外 匯 交 易 虧 損 額 將 超 過 4 億 元 ， 更 令 人 擔 心 係 ， 金 輝 呢 份 中 期 業 績 ， 乃 於 上 月 下 旬 公 布 ， 本 月 以 來 日 圓 兌 美 元 進 一 步 轉 強 ， 金 輝 的 實 際 虧 損 額 可 能 較 預 期 為 多 。 本 來 ， 管 理 層 在 考 慮 到 控 制 匯 兌 風 險 之 下 而 作 出 風 險 管 理 ， 出 發 點 係 好 ， 但 管 理 層 水 平 未 夠 ， 策 略 出 錯 ， 最 終 反 令 公 司 蒙 受 巨 額 損 失 ， 實 非 股 東 們 所 願 。

老 周 還 記 得 ， 金 輝 管 理 層 搞 呢 類 活 動 ， 睇 錯 市 以 致 公 司 蒙 受 損 失 ， 實 有 前 科 。 在 ○ 四 年 度 ， 金 輝 旗 下 附 屬 曾 訂 立 若 干 運 費 到 付 協 議 ， 以 圖 減 低 運 費 上 升 趨 勢 而 產 生 之 相 關 風 險 ， 誰 知 睇 錯 市 ， 結 果 平 倉 後 ， 金 輝 須 為 此 確 認 4.9 億 元 虧 損 。

應 檢 討 風 險 管 理 機 制

可 見 ， 管 理 層 眼 光 失 準 唔 係 首 次 ， 公 司 實 有 必 要 認 真 檢 討 內 部 風 險 管 理 機 制 ， 查 找 不 足 ， 甚 而 少 做 少 錯 ， 免 得 管 理 層 被 指 炒 作 而 「 不 務 正 業 」 ， 最 慘 仲 係 功 夫 仲 未 到 家 ， 結 果 令 公 司 得 不 償 失 ！

周 維 秉