珍藏照
2013/12/01 11:30:17
網誌分類:
生活
天氣真的涼了,尋日是我的勞動日----將衣帽間嘅嘢重新整理:晒衫、揀走啲唔要嘅衣物、收埋啲家用小電器(風扇、空氣清新機.....)。
做左成日,晚上成個人散晒!
在收拾期間,俾我搵倒張陳年舊照。當年衛奕信爵士剛上任,巡視香港十八區;呢啲經已係廿幾年前嘅事,當日我被指派陪住港督夫人(當然離唔開會俾佢考口試)。
熟識我嘅人都知我甚少笑(可能我嘅經歷令我笑唔出掛),特別係明知有鏡頭對住嘅時候!還記得當年換新身份證的時候,我咁啱響果個部門工作,當然趁機影番張靚相做身份證啦---傻啦!個人唔靚、除左後天技術外,點都唔會變靚左架!
當日影相嘅時候,負責攝影位同事猛咁叫我笑----哥哥:對住熟人,更加笑唔出呀!結果-----有幾位同事響對面扮唔同嘅表情嚟引我笑!終於完成呢個創舉啦(咁似烽火戲諸侯嘅!我咪似個奸妃?)。可惜吖,後來換智能身份證,響做證個counter影埋相,冇呢支歌仔唱啦!
又講番前港督巡區,果日新聞處負責攝影位哥哥,咁啱又係我嘅舊同事。當日佢做完嘢返寫字樓揀相,居然發現影倒張我笑嘅相,即刻打電話告知,同時專登晒左呢張相俾我。
廿幾年前嘅我,見倒你都唔會認得,所以又不妨上載俾大家睇吓吖!
你講阿督太呀?
樣子甜美可愛呢!
好靚女呀,應該笑多d呀!
好靚女呀、笑容燦爛!
Van仔,我係話佢後生女果陣咋,佢話廿幾年前都好少笑架嘛!
CAT,佢重係少年不識愁滋味?應該話輕舟已過萬重山!
其歌也有思,其哭也有懷!
好靚女呀!原來妳笑起嚟仲靚,因乜鬼成日嬲左一村人咁唔笑啫?
又靚又青春兼有學問,咁好條件,會有咩經歷令妳笑唔出吖?(可以唔答架!)
莫不是少年不識愁滋味,為賦新詞強說愁?
天生麗質難自棄,(我呀), 天生勵質難親近!(會嚇走人架)
你都話我「天生勵質」咯!
你年輕時都幾靚呀,笑得很甜呀!笑時個樣好些,唔笑好似十大惡人。