贏粒糖,輸間廠
2007/09/14 03:09:47 網誌分類: 經濟
唔經唔覺恆指又上回差不多25000點,升勢看似未停,還有炒減息消息,借勢再炒,不出為其,恆指隨時上26000點都講唔埋,但係恆指愈上1000點,風險就愈加高。
而家個市都望高一點,其實而家係望升1000點,但係要衡量風險,其實跌可以跌1萬點,搭下順風車係可以,但架車就撞車時,你能否隨時跳車呢?跳車雖然都會傷晒,但都好過你係車上撞死。小弟都係到提提大家,做足預防措施,見到咩風吹草動記得要做止蝕,因為而家個市其實好危險。
而家個市好似風調雨順,仲有得升,但都不外乎炒奧運概念,北水南調。個個都睇好個市,但係每當連街市師奶都睇好個市既時候,就係要最小心既時候。這些情景有點兒似97股災,當年又係什麼利好消息,又話回歸有阿爺係到,結果?
現在不是叫大家保留現金,乜都唔買,只係比大家一個警誡心,股災幾時黎冇人知,神仙都未必知,但有一個警誡心係好重要,當看見有什麼不對路的時候,就跳車,唔係到時真係贏粒糖,輸間廠。
小小分享。
巧茹:
無錯。
升跌就時時有,升跌有大細,只爭在幾時…
股市天使同網友講句: 小心