竹絲雞燉花旗參

姪女尋日飛返上海，今日係我響2014年煮嘅第一餐飯，首先嚟個燉品：

我一向都係煲湯多，好少燉湯。今日當係獎勵吓自己一年到晚咁勞碌(唔知為咩嘢架)，飲番個靚湯啦！

材料：竹絲雞一隻(響「大棧」買嘅，成一百蚊隻，聲稱係無激素；買果陣覺

                        得佢好細隻(因為係真空壓縮，放出嚟原來都唔細)

         花旗參半兩、元肉及杞子各少許(呢個係竹絲雞包裝度建議嘅藥材)

         豬骨兩件、石斛、淮山、果皮(呢啲我自己加嘅)

包裝建議燉二小時，我因為加左石斛同淮山，所以燉左三個小時。

試後評：湯味很濃，可能係花旗參嘅緣故；湯渣我當中午飯食左佢(唉！都話我窮架啦)，啲烏雞肉比超市冰鮮嘅較實淨。

註：

一. 烏雞同豬骨先出水，雞去皮

二. 當然要撇左啲油先好飲啦！

三. 淮山同石斛我浸過夜，因為好厚！