秋田第一皂

早幾日網友飯聚，各自交換禮物。網友秋田送給各人自製洗頭皂同潤唇膏，佢話洗頭皂大家試過、就唔想再用市面現成買果啲！

我即時嘅反應係：咁就唔知係你大件事定我大件事？

自製嘅嘢，要我整我未必識、識又可能懶唔想整；如果要秋田長期供應嘅，咁又講唔過去吖！秋田：你都係整嚟賣啦----錢解決得倒嘅就唔係問題！

先睇吓個造型：

唔講真係會以為係洗面或者洗衫架---甚至以為係黑白朱古力添！因為洗頭用皂真係有啲唔習慣，秋田千叮萬囑要用手濕水整到起泡先用。

尋日試過啦，果然一字記之曰：爽！

不過，唔知係咪一定要做成固體狀呢？我諗如果可以做成液體狀，用起上嚟會方便啲。