向政府索償有助社會繁榮

排隊上公屋

越排越氣谷

入稟索賠償

發達靠官促

近日有位平租屋候樓人狀告紫荊政府不守三年上樓承諾、令他的合理願望成空、並申請索取賠償。報導顯示原告人六年來租住的是劏房、所以要求賠償的租金差額接近五萬元。替他出頭的基層食宿大聯盟發言人表示、他們打算每日協助一名逾期仍未上樓嘅人士入稟向政府索償、意思即係日日都要告政府。按照咁嘅趨勢看來、日後將會有更多人跟風攤大手板、如果今次官判原告人勝訴的話、咁就社會繁榮喇！

呢嗱、假如閣下想以平租屋租金價錢而又獲得酒店般的居住享受嘅話、那就要拿拿聲去公家蝸居署登記排隊輪候平租屋、總之超過三年仍未獲准上樓就去租間靚屋住、然後再向政府索取賠償。如果擔心政府計縮數快速安排你上樓嘅話、那你只管放心好了、只要你馬上加入專業示威團這個大家庭、每當聞得政府到那裡收地時你就走在前頭搞抗議、務求搞到政府雞毛鴨血有地收不得那就功德圓滿架喇！更重要的就是閣下絕對不會白做、因為你會發覺有善心人偷偷的將一筆車馬費放入你的口袋裡、而且數目仲….哈.…哈….哈….哈.…哈！不過必須切記決不可過問銀両來源、總言之財來直受就啱架喇、最爽就係呢種黑箱收入連交稅都慳翻吖嘛！試問有咁大隻蛤乸隨街跳、薦能放過！

調翻轉頭來講、如果閣下有大把銀両又唔知點花亦不用愁、只要盡快起多幾棟酒店式自宅、兼且速速去跟平租樓輪候人簽一紙欠單式租約、允許住客按月交付相等於平租屋租金、而尾數就當他們成功上樓後才透過政府繳付即可。如果想賺到盡既話、就要將利息撥入租金計算、到時就可以達到本利息大豐收吖嘛！各位街坊、為免水魚游過別家塘、還是速速開檔為上呀！