又見禽流感

年尾流流爆流感

雞農個個將心揼

連累人人無鮮食

惟有偷偷內地尋

由於內地供城七千隻活雞之中被發現有禽流感陽性反應、政府便馬上將市場上所有活雞屠宰、於是連本城農場出產的活雞亦被牽連。其實早前已經知悉內地出現禽流感個案、甚至內地街市雞檔亦被發現有禽流感、但政府卻若無其事的繼續讓內地活雞入城、終於搞到本城雞農和雞販年尾流流利個個血本無歸。現在的問題是何解每一次都非要累起紫荊人不可？更令人失望的就是督爺只呼籲紫荊人考慮改變傳統習慣、以冰鮮雞全面取代活雞、而無視真正問題所在。

首先、紫荊城的活雞根本並無被發現染上禽流感、今次之所以被誅殺、無非是因為內地與本城嘅雞隻被放置在同一批發場地出售所致。其次是內地公布禽流感並非來自雞場、換言之就是可能是雞隻在運送途中染病。因此政府應該禁止內地活雞人境才對、而不是要喊紫荊人改口味。既然紫荊雞農每日能夠將兩萬隻活雞推出市場、再加七千隻又有何難？點解一定要迫使紫荊人冒着無謂風險、而讓七千隻內地活雞入口累街坊呢？講真啦、假如是本地活雞出問題而遭趕盡殺絕亦心甘命抵、但今次明明是被人家累起、點解政府好似啥責任都冇、還要本末倒置的將責任推到紫荊活雞食家身上去架？喂喂、以其免強紫荊人改變傳統習慣、倒不如老老實實做點實事、以確保紫荊入飲食安全更實際啦！

呢嗱、所謂窮則變、變則通吖嘛！這邊廂政府大舉殺雞、那邊廂坊間盛傳無論在網上或是在冧鎮都可以訂購活雞、而且包送貨到紫城來。老實講、這類所謂活雞根本上毫無安全保證、假若任由這類交易繼續下去、真係唔知會發生乜嘢事架！在下奉獻各位一聲、都係食少多覺瞓好過、千祈唔好試呀！

祝各位馬年身體健康、馬到功成、萬事如意！明年再見。請請！