甲午妖氣沖天

倭寇凭空放妖言

再派戰機去拜年

花旗順勢出蠱惑

一心搏亂兩逢源

馬年剛開始扶桑就向天朝作出連番挑釁。賊相安屁晉三在大年初一便派遣兩架F15E戰機闖入天朝東海惶恐識別區撒野、直至街坊軍兩架SU30殲擊飛近才急急離開。過了幾日、倭報又大肆渲染天朝即將在南海劃惶恐識別區。接着輪到一名來自甚麼播放協會叫百田嘗屎嘅妖人跳出來、聲稱所謂南京大屠殺乃係已故頂爺獎塊石吹水之作。更具玩味的是、花旗居然單凭一則未經證實的它國報章報導便出言恐嚇、說甚麼如果天朝真的在南海劃防空識別區、他們就會馬上增兵。呢嗱、奧黑馬連這種cheap到痺嘅招數都派上用場、分明要助長安屁嘅氣炎、相信唔使幾耐架仔就要開拖架喇！問題是未知天朝有否做好打的準備呢？

話時話、相信大家都心中有數、花旗搏亂喊增兵、無非是看上了東南二海的資源和海上航道控制權。其實奧黑馬早就有意思在呂宋嘅鬚比黑灣和富比國兩個軍事基地、以及安南嘅甘爛灣基地派遣駐軍、但一直都是苦無藉口。今次安屁無中生有搞咁多嘢出嚟、就是要拍奧黑馬嘅馬羅友、為花旗踩隻腳入南海鋪路、以換取更大自主權之嘛！依在下看、與架仔有國仇家恨的就是山姆大叔、而安屁正在等候這位貪心大叔在亞洲踩錯腳、然後司機趁病攞命。

講開又講、天朝今日嘅財力和軍力看似並不比架仔弱、萬一打起上來誰首先躀低亦難以預料。之不過在一百廿年前愛新覺羅皇朝無論在經濟或軍事方面都超越架仔、只是貪官與國賊無處不在、以致朝政腐敗、軍機外泄、終於落得慘淡收場。反觀今日朝中裸官處處、其在外國生活的家眷或子女之中、大不乏無才而受厚待之人。例如高幹子女剛剛步出校園、便獲得大機構以超高薪金聘為顧問。試想人家為何要以高薪顧用一個乳臭未乾嘅外國小子做顧問？總之一句、日防夜防、家賊難防。欲知天朝還有沒有明天、就得要看看龍的傳人嘅造化矣！