地上情、地下情

娛樂界一對男女拍拖，急不及待向外界公佈----主要係女方年紀唔細，搵倒個筍盤(用錢衡量)仲唔急急腳向外宣洩主權，叫其他女人發財埋邊咩！

可惜，呢一段「情」來得易、去得快，見光即死！好奇怪，曹操有知心友，關公有對頭人，每個人都有朋友同敵人。如果你認為自己冇敵人，一係你唔係正常人、一係你冇危機感，連身邊有敵人都唔發覺(敵人唔一定係要你死我亡果種，有些人憎人富貴厭人窮，都入埋數)。好簡單啫，以唱歌為例，你唱得好，你身邊某些朋友可能唔高興架；你唱得唔好，更加不得了，佢會同你通處派傳單，免費做埋你位新聞主任。

奇便奇在果位仁姐，似乎真係冇朋友喎！一個二個企出嚟都係數佢不是之處，如果佢有朋友、又鄧佢不值嘅，都應該企出嚟講兩句吖！

一般而言，以前一男一女拍拖(拍拖唔一定係一男一女架馬，你明啦)一定係等感情穩定左，先至安排見家長嘅，果陣都差不多到談婚論嫁階段。以娛樂圈而言，一般係選擇同居而唔結婚，驚影響事業！

如果問，玩地情又如何？同一位男藝員，與人同居多年結果咪一樣不得善終！

尋日致電舊同事，我問：「何解你近排FB盡是傷春之句(春香上身。其實我都估倒答案)？」

佢答：「失戀！」(一如所料，其後嘅對白不宜公開)

我一早收倒風，呢位同事與另一位同事玩地下情，而全公司對果位男士都冇好感！果位男士響我走後才入職，所以我唔識佢。計起上嚟，佢地拍拖應該少於六個月。

地上情也好、地下情也好，如果得唔倒身邊朋友祝福嘅，亦都好難長久，對方會唔會為左你一棵樹放棄所有朋友吖？如果係，都祇係暫時性，激情過後，對方最終都係選擇放棄你。