椒鹽焗雞翼
2014/03/02 10:58:30
網誌分類:
食譜
用雞翼嚟整嘅食譜大大話話有百幾個,今次介紹呢個「椒鹽焗雞翼」,我都係第一次整,調味料頗多,而且要用焗爐整。
材料:
雞中翼 12隻
沙薑 2湯匙
椒鹽 1/3茶匙
鹽 1/2茶匙
胡椒粉
薑粉 1/2茶匙(ginger powder超市有售,整薑餅材料之一,可唔用)
粟粉 1/2湯匙
雞粉 1茶匙
一. 先將所有調味料拌勻,放入雞翼醃最少六小時。(簡單啲學黃淑儀咁將材料放入保鮮袋,便更容易醃得均勻)焗前拌入少許橄欖油。
二. 預熱焗爐200度。
二. 將雞翼排放在焗盆上,蓋上牛油紙放焗爐中間焗12分鐘;改180度,拿走牛油紙再焗6-8分鐘便可。
註:
一. 此法焗出嚟,雞皮有少少鬆脆,小朋友會鍾意食。
二. 調味料多,焗出嚟味道較濃,喜歡淡口味嘅鹽的份量可以略為減少。薑粉如買唔倒、或唔喜歡佢嘅味道,絕對可以唔落而改落薑汁。
阿夢:如果落薑,用薑汁好啲。
我最懶,咩都唔落,用現成嘅椒鹽粉醃两三個鐘就焗,懶人冇得要求質素咁高咯!
如果我整,一定唔會落雞粉(因為從來都唔用),薑粉唔好喇,切幾片薑代替啦,重要醃六個鐘,都係諗諗先。
搵日又試吓先,不過話試好多種都未得閒試!
我鍾意!