慶功宴 2014/03/02 14:30:20 網誌分類: 生活 02 Mar 尋日咁辛苦完成個節目(我祇係佔十五份一啫，唔駛歸功我)，梗係要化悲憤為食量，食餐勁嘅(我食完早餐就等呢個晚餐啦)！席設上水中心「海港」，應該係全包宴，菜式同食味真係有點驚喜！你可能質疑：會唔會係你饑不擇食咋？梗係唔會！我地嚟捧場班「豬朋」都讚架！難道連乳豬啲皮鬆唔鬆脆都分唔出咩？寫到呢度，先諗起唔記得影呢碟餸----好彩冇走「雞」啫！ 回應 (8) 我要發表 2014/03/04 17:10:46 回覆 攞倒樓上入場劵果啲多數係排隊公開攞飛嘅，這些觀眾一定係鍾意聽粵曲嘅，所以大部都乖乖咁坐響度聽。樓下、特別是大堂前座果啲入場劵係俾唱口嘅，好多時嚟捧場果啲淨係聽朋友唱，唱完就走；即使唔走，都留響後台多過坐響觀眾席，所以樓下咪好多空椅囉！ 2014/03/04 14:15:25 回覆 我坐樓上,都好多人聽,我見到d老人家聽得好開心,呢個演唱會算係好,有d真係一聽就想走.初三咪咪. 2014/03/03 17:30:04 回覆 cat，慶功宴有兩種形式，第一種是AA制，所有去食既人科錢，不一定是表演者，朋友都可以去。第二種是朋友封利是俾表演者，表演者收左利是請朋友食飯。我老師就是第二種，我地每人封一百元利是，老師請我地食慶功宴或飲茶。有無第三種我就唔知啦。 2014/03/03 10:39:49 回覆 阿Cat：以前唱歌係賣唱，唱完有錢收；依家風水輪流轉，唱歌係「買」唱，唱完仲要夾錢食飯----有啲唱口應承左朋友，如果佢地嚟捧場，請佢地食飯或者消夜，都幾可悲！我出騷唔會大事宣傳叫朋友嚟、特別係我啲朋友冇幾多個鍾意聽粵曲。我但求入場觀眾有知音人便開心；如果唱來唱去都係唱俾自己朋友聽冇咩意思！而且好多嚟捧場嘅人，礙於人情，嚟祇係捧某一位唱口場，朋友一唱完便蜂擁而走、或者入後台影相證明佢有到，結果全場觀眾席都唔滿，冇意思！ 2014/03/03 08:57:39 回覆 妳都話好味，應該好好味喇，我樣樣都啱食。 2014/03/03 01:40:12 回覆 恕我無知八掛,好似聽過話出騷係要表演嘉賓夾份出騷錢嘅,表演者不單冇酬勞,真係要出錢又出力,咁慶功宴係主辦單位請定係各表演者出騷錢內包埋架? 2014/03/02 21:23:21 回覆 樣樣我都鐘意食呀！ 2014/03/02 19:43:20 回覆 我尋晚食得很飽，好味！ 發表回應 會員回應 私人回應 名稱 密碼 登入並發表回應 新會員登記 取消
攞倒樓上入場劵果啲多數係排隊公開攞飛嘅，這些觀眾一定係鍾意聽粵曲嘅，所以大部都乖乖咁坐響度聽。樓下、特別是大堂前座果啲入場劵係俾唱口嘅，好多時嚟捧場果啲淨係聽朋友唱，唱完就走；即使唔走，都留響後台多過坐響觀眾席，所以樓下咪好多空椅囉！
我坐樓上,都好多人聽,我見到d老人家聽得好開心,呢個演唱會算係好,有d真係一聽就想走.初三咪咪.
cat，慶功宴有兩種形式，第一種是AA制，所有去食既人科錢，不一定是表演者，朋友都可以去。第二種是朋友封利是俾表演者，表演者收左利是請朋友食飯。我老師就是第二種，我地每人封一百元利是，老師請我地食慶功宴或飲茶。有無第三種我就唔知啦。
阿Cat：以前唱歌係賣唱，唱完有錢收；依家風水輪流轉，唱歌係「買」唱，唱完仲要夾錢食飯----有啲唱口應承左朋友，如果佢地嚟捧場，請佢地食飯或者消夜，都幾可悲！我出騷唔會大事宣傳叫朋友嚟、特別係我啲朋友冇幾多個鍾意聽粵曲。我但求入場觀眾有知音人便開心；如果唱來唱去都係唱俾自己朋友聽冇咩意思！而且好多嚟捧場嘅人，礙於人情，嚟祇係捧某一位唱口場，朋友一唱完便蜂擁而走、或者入後台影相證明佢有到，結果全場觀眾席都唔滿，冇意思！
妳都話好味，應該好好味喇，我樣樣都啱食。
恕我無知八掛,好似聽過話出騷係要表演嘉賓夾份出騷錢嘅,表演者不單冇酬勞,真係要出錢又出力,咁慶功宴係主辦單位請定係各表演者出騷錢內包埋架?
我尋晚食得很飽，好味！