降「呢」！

潮語「升呢」我諗大家都明係咩嘢，咁「降呢」咪係「升呢」嘅相反語囉！

話說大約一年前，經我其中一位老師介紹，報左個「粵曲伴奏班」學「阮」。我響舊網誌亦講過我係報錯左班，因為呢班開左好耐，大部份同學都學左幾年；我報讀果陣連件樂器都未識用！據知，與我差唔多時間入讀嘅同學，除左我之外，全部都走晒！

去年底，老師問我可唔可以逢星期四下午去「師父仔局」玩(註：全部玩音樂嘅都係學生，輪流唱)，佢話想重點培訓我喎！因為每星期困住我玩四個小時，一定進步神速。結果，我推左佢；自知力有不遞，唔想累人！而且我腰骨痛，坐唔倒四個小時----又唔係等佢搵食！

上星期上課，老師宣佈今個月開新班。我問：「係咪從頭學起？」

老師：「係呀！」

我：「咁我申請降班囉！」

老師：「你覺得呢班好辛苦呀？不過，都有五位同學頂唔順走左啦。都好嘅，你重新學打好基楚先。」(See！我係最堅持果個。老師都知道我呢個係「百年難得一遇嘅」好學生，知我腰骨痛，專登搵個坐墊俾我坐同俾舊木我墊腳)

結果，我從今個月開始，讀番「幼稚阮」啦！唔知會唔會響班度變左大師姐，可以蝦新人，收片呢？