武是止戈學是覺_1
2014/03/08 08:40:25
網誌分類:
今日隨筆
武學係力學之餘, 同樣係速度學! 要想到達高深境界, 先解開武學呢兩個字, 否則只係蠻牛一隻, 去到最叻都成為霸主, 唔能夠成為英主. 武字係止戈合成! 古人話劍雖為君子, 亦不得已而用之! 所以, 真正高人等閒係唔會輕易出手露面, 以免惹起妒忌引黎不必要挑戰. 但, 於國家大事民族大義之下, 又會挺身而出.
武學先要學一個止 字! 呢個止, 唔係停止, 而係留有餘地, 比對手一條生路. 要知道拳腳無眼, 假如修為未到收發自如之前, 往往係無情力底下將對手一係打死一係打至殘廢. 成為個人終身污點之外, 更令外界人對武學嗤之以鼻, 甚至列為下九流. 止戈, 本身既意思就係制止不必要廝殺場面, 更要制止自己易放難收.
學字, 根據說文解字的詮釋就係覺! 呢種覺, 最高層次就係感覺. 所以, 古代高手可以閉目矇眼或夜不見燈之時同人過招之下全身而退. 呢種覺, 唔係憑武技可以練番黎, 而係憑內心仁慈一念, 同宇宙自然界合為一體. 新學武既人成日同人鬥快鬥力; 練武有年既人會走入以柔制剛既層面; 真正高手係求慢, 以慢勝快!
不過, 唔好以為高手求慢就真係慢至得! 呢種慢, 係極速既快! 呢種極速既快, 就係快到肉眼睇唔到; 快到外人以為冇郁過冇出過招; 快到對手未出招前經已中招認輸! 雖然贏左, 真正高手唔會承認有贏, 或會講打成平手; 或會講切磋完畢; 或會講自己輸左! 呢種胸襟就係武德! 以德入武先至可以止戈, 先至係英主!(2012年12月稿)
回應
(0)
我要發表