弄孫之「樂」!
2014/03/21 10:22:45 網誌分類: 生活
今早食完早餐回家,與隔鄰上海婆位先生搭同一升降機。
佢:「咁早收工啦?」
我:「唔係,我退左休年幾啦!」
佢:「吓!咁早退休?咁依家咪好得閒?」
我:「退左休有退左休嘅忙啫,你都要湊孫啦!」
佢:「唉!我寧願返工,以前放左工仲可以去Wet吓。」
我:「你兩公婆湊一個孫啫!」
佢:(好似有難言之隱)「唉!依家健康情況唔係咁好,淨係一日到黑要喝住個孫仔唔可以做這、唔可以做那,攪到自己聲都沙埋。」
我:「咁你湊孫又有你嘅樂趣嘅!」
我冇此經驗!咩湊孫唔係好開心嘅咩?
現在的體力,同孫兒玩一陣就可以。
我以前真的很享受湊孫,睇住佢長大,睇住佢學識每一個動作,很開心架!而家年紀大無精力啦!但與孫兒玩是樂趣,我只有對住孫兒才有耐性!
我冇耐性同細路仔玩,唔覺得湊孫係樂趣架!您阿仔就好享受囉!