談情說愛

Y城的男女關係很簡單，基本上分三個派別：

(1)「有上過床vs無上過床」

(2)「舊男/女朋友vs現任男/女朋友」

(3) 「愛上vs未愛上」

路上巴士上學校裡辦公室裡，提到男女關係時總會出現以下句子，誰說的也一樣：

「佢地係舊同學？我就唔信有咁橋！」

「父女？哈，正常父女有咁親密既咩，都唔知有無搞過！」

「阿女，今日返主日學個神父有無話帶你去廁所......」

「頭先傾得咁開心，慌唔係ex咩？」

「阿珠女上數學堂咁專心，放學又去搵阿sir，一定係愛上阿sir啦！」

「你個衰佬，你同佢無野？無野又會有咁多野好傾既！」

「豬豬，你今日唔愛我，唔緊要。終有一日你會愛上我的。」

「男同女都能做朋友？你講笑！一定係有路。」

按以上推論，Y城每一個女人同每一個男人都是「有路」的。

一般說的二元關係通常還有正反兩面，但這個關係的結構就只是將人擺上枱，不論放左放右，都難逃被劏的厄運。

是誰設下這個局的？又是從甚麼時候開始Y城的人有這種心態？有說這是遠古人類的本性，他們愛將事情分類並簡單化以便處理，那個年代的人還會說甚麼非黑即白，這種想法後來發展出吐督痰都正義過人的飛鴻哥，有扶阿婆過橋都被評為想佔人便宜的奸人堅。後來他們發現了灰色地帶更好玩，這個世界，就變成非灰即黑。

曾經聽說[另一個]Y城有一個著名女演員因為謠言而自殺。死前她留下四個字－－人言可畏。

你又看破了嗎？