下巴兜 晚景無憂
2007/09/28 10:12:16 網誌分類: 玄學達人
 |
| 唐英年下巴又兜又夠厚，屬晚年無憂之福相。 |
上停睇人生起步，中停睇奮鬥歷程，下停就睇晚年境況，所以下巴係好重要，晚年有沒有安樂茶飯，都係睇佢。
下停由50歲開始，其實50歲之後，最重要睇神氣，部位是其次，在整體來說，下巴要厚重為好，一︰要兜、二︰要闊，相書有云︰晚境無憂，所以下巴忌尖嘴縮顋，事實上，下巴尖削，晚境都係淒涼。若然後生時下巴尖削無所謂，可能仲靚仔！但到了中晚年仲未變圓、變厚，咁就要小心點喇！
下巴兜之餘要夠厚，下巴厚表示晚年運氣強勁，所以下巴兜有用，下巴長無用，鞋抽有用，馬面無用，下巴兜就係向前凸，而且要夠寬闊，最好下巴底下仲有餘肉「墮落嚟」，當然好多女人聽見都皺眉，嫌肉酸，但係晚年就很好兼長壽，真係要靚定要命，你自己決定。
電郵︰yloleon@hotmail.com
編輯回應：人說好醜命生成，不過原來人的面相會隨着年齡而轉變，所以不能一概而論呢！(刊於2007年8月2日)
回應 (0)
我要發表