舊同事走咗

早排結拜細佬call我話某位舊同事喺公司做做吓嘢就躀低咗拜拜走人! 講真一句, 離職舊行業都成十幾年, 何況離職之後大家又冇聯絡, 突然收到呢啲消息, 除咗有少少唔開心外, 自問都冇點樣傷感. 只不過突然間去咗, 睇怕都關個心臟事! 所以, 跟結拜細佬講咗一句算喺不幸中之大幸, 唔使因為昏迷留醫活受罪!

舊同事肥C大隻, 相信好少做適量嘅運動, 突然間暈低冇咗, 真喺一啲都唔出奇! 加上長時間工作關係, 又鐘意攻打四方城, 就咁樣累積疲勞, 攪到身心過份負荷, 想唔出事都幾難! 我哋知道健康就喺財富, 不過知還知, 事情臨到自己身上時, 未必會記得呢句格言! 因為, 好多時格言嘅嘢喺用嚟對其他人講嘅姐!

順病一提, 老生常談: 好生不如好死! 當人一出世, 就要倒數生命時鐘, 都唔知幾時停落嚟走去報到? 只要唔使長瞓醫院又插喉又開刀, 或唔使家人成日頻頻撲撲; 或唔使家人洗好多醫藥費等等情形底下離世, 真喺一種人間福氣! 何況, 久病床前無孝子? 依而家新一代人嘅厭煩心態, 稍一忍唔住就會連粗口都爆埋.