肥媽專訪

近日無意中睇到三色台訪問肥媽! 當然, 肥媽主持嘅節目[啲啲]正在出街, 當然喺比面派對式嘅歌功頌德一番. 至於有冇言過其實, 由廣大視迷評論, 筆者無意參予其中! 不過, 訪問內容令筆者覺得眼前為之一亮嘅喺 : 肥媽一而再再而三咁多謝咁多年都比機會佢有得撈呢一番言論! 佢仲話啲亞哥亞姐努力喺應份嘅!

肥媽仲補充一句 : 你肯努力, 固之然重要! 不過, 縱使幾努力都好, 如果唔喺有人比第一個機會好努力嘅人, 呢位仁兄仁姐唔知要等到幾時先至有發揮機會! 呢番言論, 令筆者想起幾年前過檔王維基香港電視呢一班台前幕後嘅職藝員, 有邊一個唔狂數前東家三色台? 有邊個唔喺一吐苦水, 甚至有冇講過咗籠都唔知?

三色台抵死同抵鬧之處, 故之然數都有排數! 但, 三色台孕育咗現今影視界名人紅人, 又唔見呢班人提下? 如果根據肥媽所講, 呢班人幾努力都好, 如果唔喺有三色台, 你地嘅努力會唔會得到認同? 會唔會有人出三劇價錢去拍一套劇? 如果冇三色台高壓工作過, 去到世界各地時, 又會唔會知道兩者之間有咩嘢分別?

凡事都要講公道! 三色台之所以乞人憎, 只喺目前冇其他選擇! 從另一方面嚟睇, 凡喺出自三色台都喺身經百戰嘅頂尖高手, 出到世界舞台就可以揮洒自如! 如果講成功單靠職藝員本身努力, 卻抹煞提供第一個機會嘅前僱主, 呢種喺不負責任嘅行為! 最重要嘅喺, 現今仍然在職人仕, 去到邊度打工, 抹唔甩出自無線嘅事實.