大話西遊

近排三色台播放內地製作嘅神劇[西遊記], 被某部份視迷評為劣作, 並強烈要求腰斬! 據聞呢套劇揼咗成億人民幣拍攝, 而化裝班底又喺美國[魔戒]成員, 冇理由話化裝核突. 如果連魔戒班底都唔得, 即喺魔戒系列所有化裝都成問題! 點解魔戒咁深受歡迎? 而西遊記卻遭到猛烈抨擊? 所以, 有人話一部份視迷喺度玩針對!

姑勿論報紙所指嘅玩針對是否屬實, 唔多唔少都會受到近年嚟中港文化差異所引伸嘅事件影響下, 做出一啲未必全部有理或無理嘅指責及要求! 講真一句, 成套劇被三色台由六十集剪剩五十五集左右, 又加上出咗街冇幾耐, 喺唔喺應該比少少時間同耐性. 否則, 對於劇集本身喺好唔公平! 何況近嚟喺香港人都講民主公平?

既然講得公平, 即喺播唔播喺三色台嘅事, 睇唔睇喺廣大視迷嘅事! 雖然話多人睇, 會帶比三色台有廣告收入, 嚴格一句嚟講, 廣大視迷並未親自支付任何一蚊或以上嘅錢比三色台! 站喺法律觀點, 無論講得有冇道理, 視迷可以大量抨擊三色台, 但似乎冇權要求腰斬. 如果打官司, 法官會問視迷你比咗幾多錢出嚟時點答?

而家三色台有收廣告費, 卻從未直接收過任何視迷一蚊廣告費? 而視迷向來支付所需商品嘅售價, 確實從未直接比過一蚊三色台! 如果講三色台同視迷有直接利益關係的確講唔通! 極其量只可以講三色台同視迷有間接利益關係, 係透過廣告商做中間人嘅啫. 如此一來, 三色台可以唔理視迷有咩嘢惡劣反應同任何言論;

視迷又可以唔理三色台接唔接受得嚟就炮轟! 言論既然自由, 視迷一切做法, 只要唔抵觸法律, 相信唔會有咩嘢唔妥! 行動既然自由, 三色台亦都可以堅持播完劇集為止! 至於視迷喺唔喺大細昭, 魔戒系列冇事, 西遊記就變炮灰? 抑或喺外國劇至叫香, 內地劇就屎臭? 抑或比專欄作定指喺基於近年中港事件, 天曉得啦?