廚房小幫手
2014/05/10 03:05:28 網誌分類: 生活
經常自己煮食,有些工具是不可缺少的!
有冇買過粉葛煲湯?有冇發覺同舊粉葛搏命係一件苦事?我同Amway嘅刀同剪有成廿年,但響呢方面佢幫唔倒手;呢幾年流行嘅陶瓷刀,一樣幫唔倒手---陶瓷刀切肉冇問題、切骨都唔得啦!
我住呢區好多散貨場,通常都係三兩日左右就轉一轉!如果你買左件衫唔啱,拎番去換都可能轉左第二檔。間中有些是賣海味乾貨----我嘅意見係:呢啲貴價嘢,假貨甚多!豉油、鹽呢啲平價嘢都有假貨啦,所以買呢類嘢,無謂響呢類散貨場冒險咯!
早兩日行過,見示範緊一種聲稱係韓國製造嘅刀---刀上都有韓文,當佢係真先啦!佢示範緊用果把刀切粉葛(係切呀!唔係斬)同切骨,再用隨刀附送嘅三件用具示範:刨絲器、刨皮器同埋切蔥絲器。我自己都有刨皮器,吸引我嘅係刨絲同果把切倒粉葛嘅刀。價錢唔算貴,把刀加埋三件小工具賣一百蚊!
心諗:買把陶瓷刀最便宜都要六七十蚊啦!呃我呃盡都係一百蚊啫。於是買左一套,我要佢即時開左把刀切一次俾我睇,證實冇問題先要(以小人之心度君子之腹:我點知會唔會淨係佢示範果把刀先切倒架)。
今日專登買舊粉葛煲湯,一於舉行「開刀儀式」,果然輕輕鬆鬆就將舊粉葛切件,仲好齊整添!不過,呢把刀好利,要好小心擺放。
至於切骨,暫未試過。至於佢耐唔耐用,我亦唔知;不過,暫時我對佢都幾滿意!
咁你千其唔好用呢把刀,真係危險架!我唔用都收埋佢。
我次次用新刀都切到手架,好似新陶瓷刀個次都險些睇急証。
工欲善其事、必先利其器!喜歡煮食嘅人,對煮食嘅工具係有要求嘅。
我好怕咁利嘅刀!
我好怕用利刀!好驚切到手!一向用傳統大茶刀!平又耐用!女兒買既刀很貴!我反而唔鍾意用!粉葛街市可切埋架!
你老伴都講得啱嘅---把刀唔利切唔倒、把刀太利又危險!如果冇必要切粉葛之類嘅硬嘢,上述果把刀不要也罷。
我屋企張張刀,冇把利,老伴好驚青,佢話我咁論盡,啲刀太峰利容乜易切到手指喎!太純就用枝磨刀棒磨幾吓算數!
公司賣、梗係唔止一百蚊啦!我買果度都有一把大小小嘅,一套百二蚊。
巴刀我上一兩星期在Piago見過,但當時推廣員放咗工,無得睇示範,但印象中價錢都係貴嘅,但真係唔記得幾多錢。
佢有些沒有印花的。