睇「西遊記」作反面教材

今日又做Miss Van，不過唔係教成語，係教你一個字----一個「伽」字。

響頭果一兩集「西遊記」度，無意中聽倒(真係聽倒，我都冇咩點睇！不過我都話我係無線粉絲啦，佢依家啲節目差成咁，我都開住佢個台，最多唔睇佢！但係我控制唔倒我隻耳唔聽架)唔知邊個講左「加藍」兩個字音。果陣經已有啲奇怪，我印象中「伽藍」音應該係「騎藍」，不過聽左就算，冇深究。

尋晚坐在電視機前做勞作(整曲譜套)，又聽倒唐僧兩師徒重覆講左兩次「加藍」，抬頭望，字幕真係寫住「伽藍」，咁即係讀錯音啦！

為左肯定我冇錯，即刻上網查證(因為祇要有少少唔肯定、基於疑點歸被告嘅原則，我都唔會話佢錯！幾時做埋律師/法官呀)。

根據「中國民族宗教網」嘅資料，(「伽」是佛經中常見的字)：

“伽”這個字現在也經常可以碰到，主要也用作外未語的音譯，一般的情況讀作jia.(「加」音)如著名的天文學家“伽利略”。但此字在佛經中不讀jia，梵音應讀作qie(「騎」音).如很多寺廟裡都供有一個菩薩，名字叫“伽藍菩薩”，那個殿叫“伽藍殿”。所謂“伽藍”，意譯就是指佛教寺廟，是梵文“僧伽藍摩（samgharama）”的簡稱。所謂“僧伽”就是指僧人，即和尚。所以“僧伽藍摩”就是指和尚居住的地方，也就是寺廟。“伽藍菩薩”也就是專門守護寺廟的菩薩。再有如印度的“瑜伽”，也不讀yujia，梵音應讀作yuqie.另外，此字也經常出現在佛經的咒語當中。

我冇興趣亦冇時間去睇吓普通話版本嘅「西遊記」有冇讀錯音，反正無線配音組實難辭其咎。

我未睇過原著，但係從小到大不知睇過幾多部用佢為題材嘅電影----睇完更加冇興趣睇原著！唐僧給我的印象是廢人一個(咁講法可能得罪好多人，但唔係我錯！錯就錯在電影嘅編劇同導演，係佢地俾倒個咁嘅印象我)。

以前睇「西遊記」，孫悟空雖然頑劣，但被唐僧收服之後便開始英明神武；反而依家播緊果套-----孫悟空一無是處，每次攪唔掂便求助觀音大士！既然觀音咁神通廣大，隨便搵個人取西經咪得囉，駛咩攪咁多嘢？唐僧搵邊個去都得啦，駛咩搵果幾師徒陪佢？

除左錯讀字、教壞人之外，套劇仲好暴力----不過唐僧最叻，自己唔駛做，但就要求啲徒弟唔可以殺生(包括啲妖怪)！你估自己實打得贏架？打交梗係要盡全力架啦----你祇可以當對方受到控制之後，才決定殺佢定唔殺佢！講開呢樣嘢我真係好同情香港嘅警察架，根據警例，佢地唔可以用高出對方嘅武力---一般而言，對方冇槍，佢地唔可以用槍！不過，當佢知道對方有槍果陣，又可能太遲咯！

自從十年前開始學粵曲之後，對於曲詞所寫的字，除非自己唔知，否則一定要唱番個正確發音----好像「綰」字讀「挽」音(原唱讀「管」音)，話之其他人點睇，我都改番唱正確嘅音。

下個月出騷唱「百花亭贈劍」，其中有兩個字原唱都係唱錯音嘅----一個係「佯」字、另一個係「鋏」，原唱分別係唱「祥」同「俠」音。

根據字典：

佯

　　　　　yáng　ㄧㄤˊ 廣東字音「羊」

　　　　　假裝：～裝。～作。～狂。～稱。～攻。～言（說假話）。～死。

鋏

gaap3

黃(p.7) 周(p.183) 李(p.155) 何(p.48)

甲, 玾, 鵊 [26..]

--選擇-- 同聲同韻 同韻同調 同聲同調

(1)劍 (2)劍柄 (3)冶鑄用鉗

曲中「佯」字是平喉唱，唔關我事；問題係個「鋏」字，究竟跟原唱錯好、還是更正佢好？上個星期我都諗：「算啦！敬老活動，佢地聽慣原唱係唱「俠」字音嘅，我改左佢地會認為我係錯！」而且，果個字跟原唱嘅唱法祇可以用「俠」音唱。

但係反覆思量，既然我一向堅持知錯要改，點解今次唔改呢？我唔好以教壞下一代架(你估你真係Miss嚟咩)----雖然聽眾多是長者！依家決定唱番「甲」音，為左咁要改變埋個唱法；哈哈！到時台下唔知會唔會起轟，話我唱錯字呢？死啦！要揸個盾牌安全啲喎！