龍井瑞士雞翼
2014/05/13 05:53:35 網誌分類: 食譜
「瑞士雞翼」是「太平館」的招牌菜之一。佢地所用嘅係全隻雞翼，一般家庭，用急凍雞中翼比較方便；當然，即使買新鮮雞翼，價錢所差無幾！但如果小朋友友多，會比較喜歡食雞中翼。我有幸曾一嘗該店此招牌菜，講真，我唔覺得有咩特別，可能因為佢偏甜，所以受歡迎掛！
龍井屬綠茶類，被稱為中國綠茶魁首，其茶味清香，此茶功效早在唐代茶聖陸羽的《茶經》中就已有記載。西湖龍井茶能清神益智，有獨特芬芳。據測試，龍井茶所含的胺基酸(抑制血壓上升)、兒茶素(預防衰老)、茶多酚(瘦身)、葉綠素、維生素Ｃ(預防感冒，美肌)能清腸利尿，清香口腔，功效多於其他茶葉，對人體健康特別有益。
| 綠茶：為無發酵的茶品。 |
| 好處： |
| 含有抗氧化物兒茶素，有助對抗污染物、紫外光和自由基的侵害，減慢身體老化的過程，以及減少細胞異變的機會。 |
| ‧綠茶亦含有豐富的維他命B和多種礦物質，包括鐵、鎂、鉀等，當中的鉀質有助控制血壓、降低心血管疾病的機會，以及有減壓的作用。 |
| ‧由於綠茶不含咖啡因，故不會影響身體的神經和睡眠質素，適合大部分人士及孩子飲用。 |
| 不宜飲用人士： |
| ‧由於綠茶有降血壓的效果，常飲或會引致血壓偏低，故血壓較低的人士宜避免大量飲用。 |
咁啱早前買左一斤龍井茶葉，今次順便用佢嚟整瑞士雞翼。
材料：
雞中翼十至十二隻
瑞士汁 1/3樽
龍井茶葉2湯匙
片糖半片(略拷碎)
老抽一湯匙
薑汁
一. 雞翼用薑汁及少許鹽略醃。
二. 雞翼略煎兩面。
三. 在鍋內倒入瑞士汁、3杯水、茶葉、老抽及片糖煮滾至糖溶，加入雞翼再煮滾，較細火煮5分鐘，熄火焗10分鐘。
註：
一.龍井茶本身味淡，如特別喜歡可用到2湯匙份量。
二.瑞士汁不同牌子咸味不同，要自記試味。
三.片糖較冰糖香，如冇片糖，當然亦可用冰糖。
四.汁煮滾後、下雞翼前可先試味。
好食
我整瑞士汁雞翼有人食，昨晚整華梅雞翼冇人食。
龍井淡而清香，適宜入饌。
我是飲綠茶，喜歡龍井但不能常飲，比較涼。
龍井茶葉嘅好處係好以食埋，當然你唔鍾意亦可以隔左佢。著名嘅江浙菜「龍井蝦仁」都係連茶葉都食埋。至於其他茶葉，冇話唔得嘅，最緊要自己喜歡啫！不過，綠茶較淡，我比較喜歡。
茶葉唔駛隔開的嗎？用其他茶葉可以嗎？我家無靚茶葉呀，潮州茶葉或保彌可以嗎？