財爺鬥議員

各位讀者睇吓呢個標題都幾吸引同有意思! 以財爺一人之力去抵抗群魔亂舞嘅議員, 十足十如來神掌火魂邪神力鬥三絕掌, 到最後前者死喺後者陰招暗器之下! 估唔到幾十年前嘅武俠小說橋段, 變成現代版. 真喺橋唔怕舊, 最緊要受! 當然, 議員人多勢眾, 財爺稍一不慎, 分分鐘死於非命都有之!

筆者存疑在心好耐! 政府每年出咁多公帑支薪比班議員, 點稔到佢地今時今日嘅所作所為雖未有能力禍國, 但起碼都做到咗殃民! 最奇嘅明明喺拉布阻慢議程審批進度, 令好多低收入家庭或傷殘等斷左政府正常補給! 古語都有話:斷人衣食, 有如殺人父母. 嘅然有膽拉布, 卻要卸責財爺唔申請臨時撥款?

呢班社會害蟲專攪屎棍, 有邊一次唔喺惡人先告狀, 有理冇理都炮轟政府無遠見無膽色! 而事實上一班拉布議員幾時有遠見有膽色? 拉布前, 早已心知肚明斷部份市民米糧同援助, 又唔佢地提醒財爺在進入議程之前, 將涉及民生要先撥款項目做咗先, 然後再鬥過未遲! 佢地有咁做咩? 淨喺識出口術!

縱使財爺唔記得, 既然你哋一班拉布議員口口聲聲為民請命, 點解又唔提醒財爺. 到真喺斷人福利資助時, 又怕被市民指出弊端下怕承擔責任, 即時轉移視線炮轟財爺. 以為咁就可以唔使揹咁重罪名? 呢啲蠱惑招喺人都有得出賣! 白支人工, 又唔使做嘢, 仲可以做場大戲, 仲有冇位剩? 大把人爭住做!