螺頭雪耳蜜瓜湯

你冇睇錯、我又冇寫錯：真係用蜜瓜煲湯。

有咩嘢出奇啫----冬瓜、合掌瓜、木瓜、節瓜、甚至西瓜都可以煲湯，阿解蜜瓜唔得？呢樣嘢唔係我發明，方太十幾廿年前經已介紹過。

材料：

蜜瓜半個

雪耳一朵

螺頭三件

甘筍一條

豬骨1/2斤

蜜棗4粒

果皮一角

一. 螺頭及豬骨飛水洗淨。雪耳浸透去莖。

二. 甘筍去皮切大件、蜜瓜連皮切大件。

三. 滾水下所有材料煲2小時。落唔落鹽視個人喜好啦，我就唔落。

註：

一. 煲湯其實買有泥果種甘筍會甜啲；不過我咁啱買左一包幾枝嘅甘筍，隨便攞嚟用啫！

二. 據講：螺 頭 味甘，藥性平和。有滋陰補精、清熱去濕功用。可治療陰虛內熱、乾咳、口乾、崩漏、清盲內障、濕熱五淋、黃疸肝炎、產後少乳等。

三. 雪耳味甘性平，含有一種很有益的植物膠及豐富的蛋白質、維生素、氨基酸、粗纖維、碳水化合物等成分，故能治咳嗽、生津滋養、滋陰潤肺，促進皮膚血液迴圈，加強細胞新陳代謝，有美白、滋潤皮膚之效用。有中醫講：食雪耳好過食燕窩---近年指燕窩是癌症病人大忌。食雪耳安全得多。

四. 蜜瓜清涼，可解渴，有潤膚功效 ，亦可作皮膚擦傷瘍傷用。