前因後果

近日娛記報導楊思琦唔續約無線, 喺唔想再被投閒置散, 做埋啲唔起眼又冇得發揮嘅角式. 如今恢復番自由身後, 自己接JOB, 收入好過以前好多! 娛樂圈中, 從來都喺跟紅頂白, 冇話一世努力就會修成正果, 仲要靠人際關係吃得開至得. 想喺娛樂圈生存, 就要識得自量自己有咩嘢才華?

講番轉頭, 楊思琦今日覺得被冷待投閒置散, 又喺唔喺全部錯在無線呢? 據傳聞楊思琦有一段日子為咗拍拖, 學人拒接通告, 懶理無線鍾唔鍾意, 完全喺戀愛大過天, 對垂青自己比機會自己嘅監製都唔放在眼內, 令到一班原本好睇佢嘅人頓覺冇癮! 勢估唔到情海翻波, 楊思琦得到個桔!

既然長期飯票冇著落兼著草, 加上自己有埋bb, 自然想起娘家千般好處, 自然想泊翻無線呢個大家庭! 之不過, 佢對一班幕後話得事嘅人無禮, 人哋自然唔會再夠膽起用你思琦妹啦! 何況, 近似楊思琦類別嘅藝員大把, 唔用楊思琦, 仲有好多新舊人比監製選擇, 點會仲有位比你去上?

佛家講前因後果! 睇嚟一啲都冇講大話! 單以楊思琦事件為例, 如果當時拍拖拍得冷靜一啲, 就唔會拒接通告玩失踪, 辣興一班監製! 以為冇你楊恩琦, 無線會好唔掂! 一間國際知名又小氣嘅大公司, 洗唔洗求你呢? 反而你冇無線比機會, 單單靠自己發圍, 睇怕唔喺一朝一日可以成事!