清心潤肺湯

去年睇中醫，響診所買左張儲值咭，之後冇去，張啱仲有六百幾蚊！思前想後，結果買左幾包湯包。並不便宜，佢強調係你落單、佢先入袋，所以唔係即刻有得攞架(我都等左三日)。

尋晚諗定：今日煲「清補涼湯」。今早拎個湯包倒啲藥材出嚟浸，跟住先去買舊豬展煲----豬展較豬骨貴，但係油亦較少！

買完餸返到屋企，見啲藥材度有舊唔知咩嘢？睇真啲，係梨乾嚟！真係瞓未醒，原來拎錯左包「清心潤肺湯」。冇所謂啦，照煲！

材料：

清心潤肺湯包(我加左啲白蓮子)

甘筍(咁啱雪柜有)

豬展

陳皮

豬展先飛水。水滾下材料同煲兩小時。

一貫慣例，我唔落糖同鹽。