志雲飯局_李克勤

無意中從youtube睇到前無線陳志雲主持的[志雲飯局]! 其中一連兩集嘅嘉賓李克勤!! 從整體訪問嘅過程中, 最令筆者留心嘅喺李克勤表白初出道時曾經紅過! 身邊聽到嘅全喺恭維說話, 當事人照單全收, 以為自己好唱得之下又囂又寸! 到最後, 比未曾合作過嘅前輩梅豔芳親口對當事人講 : [你真喺好寸!]

李克勤話當時呆咗! 之後有反省自己出道以嚟待人處事態度, 先至知道自己真喺寸到冇人有! 於節目內容強調, 原來要傷害人哋, 只要用一句話就夠喇! 反而要抹甩呢句極富傷害性的話, 就要用十年或以上嘅時間, 仲要睇對方比唔比機會同接唔接受自己道歉! 自此之後, 李克勤就改變待人處事嘅態度!

其次, 李克勤遇上歌唱生涯嘅低潮! 演唱會滯銷; 唱片唔賣得; 唱片公司壓住唔肯出新唱片! 好在有譚詠麟從旁鼓勵支持, 令李克勤走出谷底! 所以, 李克勤講佢當正譚詠麟喺第二個老豆; 而譚詠麟亦都當佢喺半個仔! 跟住兩個合作舉行多次左麟右李演唱會, 彼此合作無間之餘, 從未發生過任何嗌烚事件!

原因好簡單! 譚詠麟將李克勤擺喺第一位; 李克勤又將譚詠麟擺喺第一位! 基於兩人嘅心念只喺想以尊重對方為主, 所以彼此相讓相助, 造成毫無壓力無分大細咁去享受成個演唱會過程! 李克勤強調真喺講出都冇人信! 不過, 事實確喺咁樣! 所以話你敬我一尺, 我敬你一丈, 一啲都冇講錯, 只要呢個心喺真!