防不勝防!
2014/06/27 08:49:18 網誌分類: 健康
防不勝(音:升)防---典故: 防:防備;勝:盡。形容防備不過來。
早前我講過有關打預防生蛇針嘅問題,可能因為呢段時間都幾多人生蛇,所以政府都拍左宣傳短片提醒「入左五」兼且出過水痘嘅人要打此針。
我對呢樣嘢特別敏感,應打則打。循例問吓阿媽,我有冇出過水痘?答案一如所料:「唔記得!」
我問西醫:「如果唔肯定,基於疑點歸被告(醫生都俾我激C),係咪打左先算呢?」
西醫:「如果係未出過水痘,你打預防生蛇針係冇用架!你應該打預防水痘針。」
為此,又嘥左幾百蚊驗吓我有冇出過水痘。結果證實冇,於是去診所打預防水痘針;行勻呢區,答案係呢種針缺左貨成年啦!咁即係冇得打、冇得預防?
上星期見倒位退休醫護人士,梗係乘機問吓佢嘅意見啦!佢話以我地嘅年紀,如果冇出過水痘,應該曾經打過預防針(我都冇法證實)。即使冇、出水痘祇要你唔好整穿啲水泡就冇問題架啦!
聽住先---唔係咁樣、可以點樣呢!
如果冇出過水痘,打嚟冇用架!我其後響其他診所搵水痘疫苗時,診所姑娘都係咁講。
我唔知,又冇問超伯。
TT:咁你出過水痘未?
阿仔:咩你唔係要服侍阿媽、煲埋俾我飲架咩?
我打蛇針,醫生乜都冇講,奇怪。
出水豆很小事,飲多的涼湯就得,通常春天易有,你出時話我知,教你煲野飲。哈哈