防不勝防！

防不勝(音：升)防---典故： 防：防備；勝：盡。形容防備不過來。

早前我講過有關打預防生蛇針嘅問題，可能因為呢段時間都幾多人生蛇，所以政府都拍左宣傳短片提醒「入左五」兼且出過水痘嘅人要打此針。

我對呢樣嘢特別敏感，應打則打。循例問吓阿媽，我有冇出過水痘？答案一如所料：「唔記得！」

我問西醫：「如果唔肯定，基於疑點歸被告(醫生都俾我激C)，係咪打左先算呢？」

西醫：「如果係未出過水痘，你打預防生蛇針係冇用架！你應該打預防水痘針。」

為此，又嘥左幾百蚊驗吓我有冇出過水痘。結果證實冇，於是去診所打預防水痘針；行勻呢區，答案係呢種針缺左貨成年啦！咁即係冇得打、冇得預防？

上星期見倒位退休醫護人士，梗係乘機問吓佢嘅意見啦！佢話以我地嘅年紀，如果冇出過水痘，應該曾經打過預防針(我都冇法證實)。即使冇、出水痘祇要你唔好整穿啲水泡就冇問題架啦！

聽住先---唔係咁樣、可以點樣呢！