一日冇反對至喺新聞

近呢幾十年, 香港真喺比宋朝賴布衣批中冇運行? 根據尋龍傳奇小說, 講到風水大師追龍脈追到嶺南, 比佢法眼一望, 就批定香江終非池中之物, 定會大發! 只不過當出現南人北上, 北人南下嘅情形之時, 香江氣數將盡. 呢種喺先頭平淡漸入熣燦; 到收尾熣燦復歸平淡; 喺千古不易之永恒真理架噃!

自九七回歸以嚟, 香港市民北望神州, 個個北上搵食, 順便買個平價單位落業歸根. 間接做成內地房地產喺咁升, 內地亦因為開放政策, 不但吸引港人北上, 更吸引世界各大一流企業, 紛紛北上開設公司工廠! 內地農民賣地比政府, 人人突成暴發戶後, 南下香港買樓入籍, 導政兩地不同文化交惡!

再睇番香港方面, 無疑好多新生男女受到普及性嘅大學知識, 無奈當中一部份人單憑知識就睇香港政府唔順眼! 唔知道[不在其位不謀其政]嘅道理; 又唔知咩嘢叫做[事非經過不知難]嘅情形! 淨喺睇表面就嘈到拆天, 見乜唔順眼就反; 聽人片面之詞又反; 未明事件過程始末又反; 覺得一切唔妥更反;

日日睇電視讀報紙, 有邊樣嘢唔反? 好似焚化爐事件, 十八區冇一區贊成, 反而區區都反! 反唔緊要, 但有冇諗過日後啲垃圾點樣置理? 喺唔喺要每家每戶自己買火爐去燒? 到時空氣污染難為咗邊個? 唔喺自己後代子孫咩? 今日反對焚化爐, 來日荼毒自己子孫! 到時又賴政府唔啱唔好? 有冇天理架?

十八區為咗反對而反對, 只喺從自己利益著想, 從未替未來子孫著想! 梗喺啦, 可能到時自己瓜咗老襯都冇眼睇啦! 子孫死唔死得, 到時都唔關自己嘅事啦! 可憐一班後人, 到日後長大咗, 延續父母反對政府精神咁無限次無限代咁一直反對落去, 將香港變成臭港, 將外資用垃圾氣味趕出香港範圍!