唔衰攞嚟衰

睇新聞先至知柱方比英國冷落?! 真喺唔衰攞嚟衰咯! 話晒政治喺嗱渣遊戲, 邊個利益輸送最多就幫邊便. 睇下美國成日幫住日本抵制中國, 就知道日本用咗幾多著數比美國, 先至換嚟釣魚島嘅管治權! 如果中國肯枱底利益輸送多過日本多多聲嘅話, 美國一定將釣魚島嘅管治權判比中國, 呢啲喺潛規則!

講番轉頭, 柱方兩個加埋成超過百幾歲, 仲做埋呢啲與虎謀皮嘅幼稚遊戲做乜? 又唔喺攞住幾百億生意去疏通關係? 人哋梗喺有奶便是娘! 何況, 爹親娘親唔及錢親! 自九七年, 英國攞咗香港儲備成千幾億走, 到而家睇怕都使得乾乾淨淨啦! 理得香港有冇民主自由喎, 有錢就喺大佬, 冇錢就勢都喺假!

話晒家醜不出外傳! 柱方兩個張開肚皮比人睇有幾多皺紋, 又唔喺有好帶歇, 真喺睬你都有味! 九七年中英聯絡聲明, 英方只喺做見證人咁上下嘅位置, 並唔喺有監管權! 既然冇監管權, 自然唔可以喺中國內政香港事務方面指手劃腳. 英國假紳士風度世界知名, 同美國假道學, 直情喺一對超級難兄難弟.

柱方比人冷落, 喺意料中事! 中國日漸成為超級大國, 國勢日隆直逼英美! 加上自清末八國聯軍以嚟, 中國國內好多地方嘅天然資源一直未有開發, 令到好多國家都眼金金吼實機會與中國示好, 希望打通商貿. 所謂不患寡而患不均!! 只要有利可圖, 任何國家都願意企喺中國嗰邊成為生意上伙伴拍檔!