點解咁串_精華篇

近日嘗試將已經發表過嘅#點解咁串#內容, 作另一種方式解構! 原因在於更淺白, 比讀者更容易了解呢系列創作嘅中心思想. 筆者曾經指出並唔想為拆字而鑑硬拆字, 如果喺咁做, 會變成好冇意思; 會流失咗創作原意! #點解咁串#系列喺筆者嘅情意結, 想將本嚟屬於字典式嘅文字化字彙提升成為生活化;

因為生活化先至可以將單元字彙明朗化變成行為化. 換句話講, 喺將每一個單元字可以實踐喺人際關係入面, 可以融入生活細節入面; 可以豐富字義精神入面. 唔再喺單料銅煲咁枯燥乏味. 雖然文字化喺可以幫到自己寫作文寫論文, 可以攞到最高分數. 之不過對單元字彙嘅掌握多數留滯於文字化方面;

如果被問到應該點樣用呢啲單元字先至可以對終身有益, 睇怕都好難有一個特定答案. 何況, 一般教育都側重於查字典之後, 用喺過去式現在式未來式嘅公式化層面. 當涉及生活化同行為化嘅時候, 就會無所適從, 乸手唔成勢! 基於呢個概念, 筆者先至嘗試將自己對單元字彙嘅個人感覺拆解, 再將

拆解完之後嘅意思重組還原, 並且豐富原有字彙嘅理解同運用. 當然, 呢種喺筆者一廂情願嘅睇法同做法, 未必符合所有人嘅喜好. 慶幸嘅喺呢種冷門文化, 隨讀者接受程度去探討, 或因未能接受而拒絕, 對原創嘅筆者嚟講都喺無任歡迎. 好在所寫嘅內容主題喺心態帶動形態, 絕對符合心理學行為學!