花膠燉蓮子糖水
2014/08/19 11:50:51 網誌分類: 食譜
花膠糖水?係,夠晒豪呢!
花膠通常用嚟煲湯或者用濃汁煨煮嚟食。煲完湯好多時唔食得晒啲花膠(除非係燉湯),有點嘥!今次一於用佢煲糖水,咁就一丁點都可以食晒。
花膠本身冇味,煲湯要靠其他材料令佢好食啲;同樣,煨菜亦要靠濃汁掛上才有味。用佢嚟煲糖水,味道主要咪靠糖囉!
材料:
發透花膠切粒
紅棗15粒去核開邊
鮮蓮子四安士 (切記要去蕊,否則糖水變苦水)
冰糖
薑少許
滾水落所有材料,燉一小時。
註:
一. 鮮蓮子分有衣和冇衣兩種,菜販話煲糖水用冇衣嘅好啲。
二. 我買的花膠發好後,祇煮半小時便可。所以燉幾耐視乎花膠質素。
三. 鮮蓮子較乾蓮子好食,燉一小時絕對足夠。
唔該
美孚去紅磡,乘西鐵需時三十分鐘左右,我經常乘坐,可供tt參考!
我未搭過。西鐵紅磡至屯門總站都係四十五分鐘左右,我估計去美孚大約廿分鐘。火車站穿過天橋入商場有中、日、泰、印食肆,不過果個商場冇咩好行!想行街嘅可以響美孚搭30X去黃埔花園總站(附近多個主題商場、包括Aeon同十二蚊店),行完附近又大把嘢食,跟住響總站乘專線小巴上火車站去紅館。
tt,可以去 http://www.mtr.com.hk 睇吓
要搭幾耐車呀?同埋有冇商塲行?冇嘢食呀?唔該。
红勘火車站係西鐵缌站,上地面咪係红馆囉。
紅墈火車站,是否西鐵有呢個站?跟住奌去?搭乜嘢車?
tt,美孚去紅館搭西鐵最快!
立冬:原來唔係人人啱食花膠。早兩日睇報紙,中醫話痰濕之人不而食!不過,唔知咩嘢係痰濕?
TT:美孚可搭西鐵去到紅磡火車站。
Van,由美孚去紅墈體育館睇演唱會,有地鐵或巴士嗎?奌去呀?可否教我。
每天吃一些花膠,一定很養顏了.+1