參商
知否「參商」為何物?「參」字讀「參加」個參音、抑或讀「人參」個「心」音?
曲友們,相信都會接觸過呢兩個字。舊曲如「洛水夢會」,平喉有句:「恨訣別,似參商」、另一首雙子喉曲「水漫金山」,白素貞有句唱詞:「配天香,挽天襄,融貫參商」;近一點的「星韻心影」子喉有句:「天漢會參商太匆匆」....可見得,呢兩個字粵曲曲詞都幾常採用。
曲友芳芳上星期同我傾開計,講到啲老倌成日唱錯字音。芳芳講多年前出騷唱「洛水夢會」(佢係平喉),唱完入後台時有曲友指唱錯字:「參商」係讀「心」音(佢唱左「參加」個「參.音)!佢唔知點解?反正人講佢就聽,日後改唱「心」字音。
尋晚搵周公前無所事事,開收音機聽「戲曲之夜」,當時唱緊唔知咩嘢曲(因為我唔識),不過,聽內容我估計係「洞庭十送」,忽然聽見子喉唱「參商(唱「參加」個參音)....」聽曲詞上文下理,雖然我唔識首歌,我相信佢係唱緊「參商」(心音)兩字。剛剛上網搵份曲詞嚟睇,證實我無估錯。
因此,老倌唱錯曲詞係好常見嘅,祇不過曲友個個奉原唱(特別如果果位係大老倌)若神明,即使係錯(明知錯、當然有啲係唔知嘅)都神性不可侵犯。
我響七月十三日「拆得就拆」網誌講到,現時太多曲友、甚至老倌對中國字嘅讀音都並冇深究,習慣左蕭規曹隨,話之佢錯!
講左咁耐,究竟「參商」係咩嘢?
參、商:係兩粒星宿名。參在西、商在東,此出彼沒,永不相見。知道點解,再睇番上面幾句曲詞,便明白曲詞講咩嘢?
至於讀音:應是採用下面詞典顯示最後一種發音,即「心」音,而唔係第一個參考嘅「參」音。
音節 (香港語言學學會) | 粵 音 | & 根據 | 同音字 | 相關音節 | 詞例(解釋) / 備註 |
---|---|---|---|---|---|
caam1 | 黃(p.5) 周(p.19) 李(p.284) 何(p.31) | 攙, 辿, 驂 [4..] | --選擇-- 同聲同韻 同韻同調 同聲同調 | 參加, 參考, 參差不齊[14..] 參半, 參天, 參觀, 參謁, 參互, 參見, 參事, 參政, 參酌, 參照, 參謀, 參賽, 參贊, 參議 | |
saam1 | 黃(p.4) 李(p.284) 何(p.30) | 毿, 衫, 剼 [13..] | --選擇-- 同聲同韻 同韻同調 同聲同調 | 同「三」字 | |
cam1 | 黃(p.14) 周(p.19) 何(p.96) | 侵, 嬠, 駸 [10..] | --選擇-- 同聲同韻 同韻同調 同聲同調 | 「參caam1」的異讀字 | |
sam1 | 黃(p.14) 周(p.19) 李(p.284) 何(p.95) | 心, 杺, 襂 [15..] | --選擇-- 同聲同韻 同韻同調 同聲同調 |
今期「粵劇曲藝月刊」有一文,部份內容如下:
「大老倌又好、新秀又好,要他們儲一點寶,多讀書,多研究,多練功,多追求的話,很現實,那來時間去多儲一點閨秀演出拍檔,那有時間陪捧場者飲茶、宵夜、唱曲、傍戲。做職業班的酬金,那能及與業餘者合演那麼豐厚,既有錢收又能在場中也文也武,何樂不為。「柝」字唱成「拆」,只是冰山一角而已。近年由內地輸入的文武生梁兆明、宋洪波、藍天佑等肢體基本訓練比香港好,但文化水平比較差,再加上大部份觀眾欣賞能力質素仍低,除了數齣唐滌生名劇外,大部份舊劇本新編不過如是。何況那些聲聲佢好靚仔的女觀眾為多,那會理演員說錯唱錯呢!職業演出不講究,水平低,業餘者自然低。......」
最近接觸一首新曲「浪捲飛花」,其中有句曲係子喉唱嘅「藥井蔬洼怨」,老娘孤陋寡聞,唱完都唔知佢嗡咩!最討厭係唱曲唔明佢講咩?點會有共鳴吖!
原來我都係一求甚解的人,我聽洞庭十送,嗰句好似係「怕見銀漢參商」,我從來只有聽,都無留意啲字。
未見過呢四個字!唔識讀更加唔識解!